Page 16 - AM221117
P. 16
Deporte AWEMainta Diahuebs, 17 November 2022
Roga Innate Foundation tin e honor di ta parti di
e trayectoria di e atleta local Gregory Geerman
regory ta un atleta local hopi conoci den e deporte di
G coremento na Aruba. Gregory a participa na diferente
maraton rond di mundo manera Las Vegas (2017), Toronto
(2018), Chicago (2019) y Amsterdam (2021).
Na aña 2021, chiropractor Dr. Sandy Roga a lanta su propio
fundacion bou di e nomber di Roga Innate Foundation. E
fundacion di Dr. Roga tin como meta pa conscientisa comu-
nidad cu nos salud ta den nos man. Roga Innate Foundation
ta aporta na deporte y e salud di atleta y persona cu ta
haci movecion. Na comienso di 2022 e fundacion a haci su
debut den e di 30 edicion di Ronde van Aruba cu “Innate
Duo Runners”, representa pa Gregory Geerman y Yessyray
Lopez.
Duo Innate Runners a logra e meta di core 71.2km den
5:59:39 y a sali prome luga den e categoria di Duo Mix.
Diadomingo 20 di November Gregory ta participa na
“Philadelphia Marathon”. E meta di Gregory ta pa core bou
di 3 ora y 20 minuut pa clasifica p’e marathon di Boston.
Gregory su deseo di mas grandi como un coredo ta pa ta un
Arubiano mas cu ta bira un “Abbott World Marathon Majors
six-star finisher”. E “Six Star Medal” ta un medaya cu ta
wordo entrega ora cu completa seis (6) marathon, cual ta
Chicago, Boston, New York, Berlin, London y Tokyo.
Roga Innate Foundation ta sostene Gregory den logra su
metanan como coredo local y ta admire como persona pa
su humildad y pa su compromiso, pasion y disciplina cu e ta
demostra tur dia pa su deporte.
Roga Innate Foundation ta desea Gregory tur clase di exito
na Philadelphia!
16
