Page 7 - Awemainta

AWEMainta Diamars, 02 Februari 2016 7

Detencion di
agresor di taxista
femenino, a keda
prolonga

AYERA MAINTA, e turista Mericano, di fam M.

a presenta dilanti di Huez Comisario, unda a keda
reconfirma cu e mester keda tras di trail, pa loke el a
haci. Fiscal y Huez Comisario a prolonga su detencion
cu 8 dia mas.

Mientrastanto un grupo di colega taxista a convoca
un conferencia di prensa, pa denuncia loke cu a
tuma lugar, apelando na Gobierno, pa e.o. duna nan
permiso pa carga arma, pa por defende nan mes.
Nan no por sigui traha asina, of lo tin cu stop di duna
servicio di taxi den oranan despues di mei anochi.
Esaki no t’e prome caso di maltrato di un taxista
femenino. Si nan no haya permiso pa carga arma, pa
sikiera por carga pepper-spray, etc.

T’asina cu tabata diabierna ultimo prome cu 1or di
madruga a start un persecucion den Noord cu a bay
caba te na Pietra Plat.
Esaki despues cu un turista Mericano a haya ta bon, pa
maltrata un taxista femenino malamente. Pa despues e
mesun turista Mericano aki, a dicidi di “horta” e auto,
pasa riba pia di e taxista, bay lague atras.
E turista Mericano aki, ta mustra cu el a caba di snuif
un cantidad di cocaine, pa a bira asina violento.
Polis a topa cu e taxi, a dune ordo pa para, pero a
aumenta velocidad. E persecucion a termina ora
e turista, sin conoce Aruba bon, a drenta den un
“dead end”, pa cual a gar’e y encarcel’e pendiente e
investigacion riba e acusacion serio den su contra.
Mientras cu e taxista femenino mester a ser hiba
Hospital cu urgencia, si mira den ki estado el a keda.
Esta masha maltrata, e.o. a kibra su nanshi, ribchi
kibra, braza a keda fractura, te cu e mester a keda
interna den Cuido Intensivo.

Februari 3, 2016