Page 53 - MIN JUS

Comparti

Minister Arthur Dowers a splica cu ponemento di personal ta responsabilidad di hefe di polis.

E minister no ta dicidi ken ta traha na unda den Cuerpo Policial. Informacion cu e tin ta cu un klas cu ta
saliendo for di opleiding, cu mita di e klas aki lo a wordo ofreci pa bay traha na Recherche. Logicamente
ta asina cu esey ta algo cu e leiding ta dicidi si e ta sinti cu e capacidad di Recherche no ta suficiente, por
ofrece hendenan cu ta caba opleiding pa nan por bay traha recherche y tambe nan mester kier y por
haci’e tambe.
Tin di compronde cu e sindicato tabata tin pensa cu tur hende cu a caba di sali for di opleiding lo a bay
recherche y segun nan no tin suficiente hende den surveillance. Ta algo cu ta netamente di debati entre
leiding di e organisacion y e sindicato. Ta nan responsabilidad pa mira con nan ta haci indeling di
personal y no responsabilidad di minister di husticia. Si acaso tin un caminda cu ta bisa cu ta sinti un
preocupacion grandi nan ta trece padilanti logicamente. No ta asina cu nan ta dicidi cua polis ta traha
den cua departamento. Tambe a papia di materialnan cu falta. E minister no ta descarta tin. A papia cu
sindicato kende a bisa cu tin auto, pero tin auto cu a daña. Esey ta un cos caminda cu material ta wordo
uza por daña. Ta asina ey cu tin hopi auto a wordo agrega na Cuerpo Policial. Mester tin auto na diferente
departamento cu si acaso un auto di surveillance daña, nan por uza un di e autonan aki pa surveillance. E
unidadnan cu a bin acerca compara tempo cu e minister a drenta como minister di husticia, awe nos lo
tin mas auto y tin mas persona disponibel cu por traha na bienestar di comunidad. Tin di compronde
logicamente cu e pais ta sigui crece, economia ta sigui crece, riesgonan ta sigui crece. Ta nifica cu mester
di mas polis tambe, pero tin hopi mas polis awe compara cu e tempo ey. Ta preparando pa admiti 50
polis atrobe na opleiding. E problemanan aki segun tempo bay, ta bira menos. Tambe ta asina, cu ta
papia di mucho hopi overtime. Ta bay analisa e situacion ey, pasobra tin hopi departamento cu ta traha
den bijzondere diensten. Nan no ta traha den surveillance, pero ta reforsa nan y leiding mester duna
splicacion na cuerpo mes y na comunidad con esey ta funciona.

Manera cu minister a yega di puntra y constata, tin varios momento cu ta bisa cu no tin suficiente polis
den surveillance, pero tin un gran cantidad di otro unidadnan presente cu ta duna sosten na surveillance
na momento cu esaki tin mester.
Comentarionan (0)

http://www.24ora.com/index.php?option=com_content&view=article&id=12387
5:arthur-dowers-ponemento-di-personal-den-cuerpo-ta-responsabilidad-di-
hefe-di-polis&catid=12:politica&Itemid=18

Minister Dowers: Sindicato tin tur derecho di trece tur punto
di preocupacion dilanti pero cerca esnan cu tin influencia y
no den prensa