Page 54 - MIN JUS

Friday, 07 July 2017 20:01
1
Comparti

A mustra minister Arthur Dowers cu sindicato di Polis a saca un comunicado caminda ta cuestiona
maneho di mando di Cuerpo Policial.

E expresion cu a sali y e forma cu a comunica esaki pafo no ta corecto. Si tin cosnan den organizacion
grandi cu no ta bon, mescos den un comunidad cosnan por daña pero tin proceso pa atende cu e cosnan
aki. Minister Arthur Dowers a splica cu e lo topa cu SPA tambe. Minister Dowers a hiba un combersacion
cu e presidente di e sindicato y a invit’e pa topa diabierna, como kiera cu el a mira e presentación di e
sindicato y a preocupa e minister, den e sentido cu e no ta kere cu ta e modo di mas eficiente pa por
comunica cu otro y esaki no ta un forma constructivo pa yega na solucion. Mando policial, den e caso aki,
hefe di polis y tur polis cu ta traha na Cuerpo Policial di Aruba, tin e responsabilidad pa contribui na e
trankilidad y siguridad pa nos pais y esaki mester keda refleha continuamente den nan comunicacion
sigur pafo. Ora cu e minister tende cu tin un preocupacion pa maneho di e Cuerpo Policial, sindicato tin
derecho di trece tur punto cu nan tin di preocupacion dilanti, pero ta mucho mas eficiente si trece esaki
directamente na esnan cu por haci un influencia riba esaki y no manera cu a pasa den medionan di
comunicacion, pasobra esaki no ta contribui na e trankilidad y harmonia cu mester existi den un
organisacion. E minister a invita pa papia habri. A papia cu tur sindicato habri riba tur tema y si en caso
cu tin un punto cu wordo treci padilanti cu mester atencion, ta dun’e atencion tambe. Ta lamenta cu e
modo cu a wordo comunica afo, a haci daño na Cuerpo Policial den su totalidad y esey por wordo coregi
masha lihe mes, pasobra e imagen di Cuerpo Policial no ta solamente hefe di polis, sino tur hende cu ta
traha den e organisacion ta refleha riba dje. Si tin cosnan den un organisacion grandi manera Cuerpo
Policial, si cosnan no lo ta bon, e minister por imagina cu mescos cu den un comunidad y na hopi
ocasion, ta mira ora cu bo ta traha den un organisacion grandi cu lo por tin algo cu bo por daña of bay
fout, esaki no lo ta imposibel cu algo por daña of kibra, pero tin procesonan cu por atende cu esaki. E
forma cu el a wordo treci aki no ta contribui na solucion di e problemanan aki. Awe minister lo ricibi
SPA, pa por papia riba e diferente temanan cu wordo treci padilanti, y pa mira si lo yega na un solucion
pa esakinan, si acaso e ta mesun cos cu ta wordo bisa, a lo menos di loke a tende of lesa den media, segun
minister Dowers.
Minister Arthur Dowers a splica cu e maneho unda ta aloca polisnan ta keda den man di leiding di Polis
mes. Ta responsabilidad pa nan dicidi unda ta pone e hendenan. A papia di material cu falta. A menciona
auto cu falta of ta daña. Ultimamente ta hopi auto a wordo agrega na Cuerpo policial. E unidad cu a bin
acerca, awe tin mas auto y mas hende disponibel cu por traha pa e comunidad. Awendia tin mas polis cu
antes. Ta preparando pa pone 50 Polis den opleiding pa despues drenta servicio. A tende di overtime
tambe cu ta mucho.

http://www.24ora.com/index.php?option=com_content&view=article&id=12387

4:minister-dowers-sindicato-tin-tur-derecho-di-trece-tur-punto-di-