Page 45 - AVP

Candelaria a cuestiona na mas di un ocacion. Con por ta posibel cu tin un klas nobo pa
cuminsa cu apenas 14 aspirante?

Na momento cu a cuestiona esaki a habri lugar pa dos Polis mas. Logica ta indica cu e
cantidad di Polis nobo mester ta mas grandi cu e cantidad saliente pa bo cuerpo crece.
Awor nos por mira e contrario tumando lugar teniendo cuenta cu e realidad awor ta cu e
cantidad di Polis cu ta bay baha cu pensioen y esnan cu ta kita pa motibonan personal, ta
mas grandi cu e cantidad cu ta bay drenta.

Ta Minister Bikker su lema, cu ta bay mira mas blau riba caya. Su lema y su maneho
lamentablemente no ta mes cos, pasobra su prioridadnan ta mustra di ta robes, mirando cu
e realidad ta tristo y contrario.

ATRACO COMETI PA VENEZOLANO
Den un conferencia recien por a scucha e mandatario menciona cifra caminda e ta insiti
cu ta Venezolanonan ta cometiendo mayoria atraco riba nos isla. Cifra cu Cuerpo
Policial a saca ta contradeci esnan di su persona.

“Ami lo kere esnan di Polis prome. Ta comosifuera e mandatario no ta den coordinacion
cu su departamentonan ni cu su propio maneho. Hopi palabra, tiki hecho!”, Robert
Candelaria a finalisa su comentario.