Page 8 - AM

8 AWEMainta Diaranson, 12 Augustus 2015

Minister Paul Croes:

Nacionnan
Uni ta
celebra Dia
Internacional
di HUBENTUD

“PARTICIPACION civico y atencion pa desaroyo

di nos hobennan ta enfoke di Nacionan Uni riba Dia
Internacional di Hubentud awe 12 di augustus”,
Minister Paul Croes a mustra. “Na Aruba tambe
mi kier pa nos pone mas enfasis riba tur esfuerso
cu ta wordo haci pa nos hobennan. Tur proyecto,
programa, fundacion, scol y actividadnan dirigi pa
nos hubentud merece e gradicimento y aprecio”,
Minister Paul Croes a declara despues di un
encuentro cu Fundacion pa nos Muchanan.

Feria Social, Poder di Hubentud, Hoben Talentoso,
Formacion Social, Leerwerktraject ta algun di e
proyectonan di Gabinete Mike Eman dirigi riba nos
hobenan. Cada uno di e proyecto y programanan
aki ta dirigi riba participacion di nos hobennan na
nos desaroyo, “civic engagement”, cual t’e topico di
Nacionnan Uni pa 2015.

Banda di esaki tin varios fundacion manera ATHA,
Fundacion pa nos Muchanan, YMCA, Telefon pa
Hubentud, Parlamento Hubenil, Jeugdbescherming
en Reclassering ta fundacionnan cu diariamente ta
dedica na nos hobenan. Departamento di Asunto
Social tambe ta equipa cu Jeugdhulpverleners cu ta
apoya e sector social dirigi riba nos hobenan.
Minister Paul Croes, cu t’e Minister di Hubentud
ta mira cu tin adelanto den e atencion pa nos
hobennan. Aunke e ta mira e necesidad tambe
den mas cooperacion entre Ministerionan pa yega
na mihor coordinacion pa atende asuntonan di
hubentud.

Riba e dia awe, dedica na nos hubentud, Minister
drs. Paul Croes kier gradici e fundacionnan cu ta
traha cu nos hobennan, pero den mesun rosea ta
felicit tur nos hobennan riba e dia special aki.