Page 29 - UTILITIES

Den e prome conseho di CFT, tawata tin cuatro punto cu CFT no tawata di acuerdo cu Gobierno di
Aruba riba cuatro punto. Den e publicacion di diahuebs 7 di juni, CFT a indica cu nan ta bay di
acuerdo cu dos punto y ta duna e Minister di Finansa rason.

E prome punto ta riba e parti di ATIA, den e prome conseho nan a indica cu nan a mira un ‘dubbel
telling’ cua lo significa cu e deficit lo cay mas halto. Riba esaki, a manda CFT e splicacion cu e
convence nan.

E di dos punto ta riba e parti di e debe. Aki CFT a indica cu segun nan calculo e debe ta core den 93
prociento mientras cu Gobierno a indica un debe di 90 prociento. Gobierno a splica CFT cu nan a sali
for di un punto eroneo pa yega na e percentahe ey. Y CFT a wordo convenci cu e splicacion duna.

A keda e ora dos punto cu Gobierno di Aruba mester traha riba nan pa asina convence CFT un biaha

mas.

E punto relata na e deficit. CFT ta di opinion cu Aruba lo no haya e placa entre otro di RDA manera
ta premira. Den e carta di Gobierno di 24 di mei, a splica CFT cu Gobierno no tin niun indicacion cu

e placa aki lo no drenta. Mas ainda, e suma di placa ya a wordo deposita caba. Sinembargo CFT no a
keda convenci. Aki siete dia, Minister di Finansa lo manda un carta pa CFT na unda lo amplia e
splicacion pa convence CFT cu no tin di duda cu lo ricibi e placa aki di RDA. Si acaso mes no haya e

placa aki, Gobierno tin un otro alternativa, na unda cu despues cu e presupuesto a bay, Gobierno a
ricibi informacion cu Banco Central y Utilities tin sumanan disponibel pa dividend. Minister Ruiz-
Maduro cu esaki ta sigur cu lo convence CFT riba e parti di RDA.

E otro punto di preocupacion indica pa CFT cu Gobierno ta tratando cu ne ta e parti di gastonan di
personal. E gastonan di personal no ta solamente relata na e plan di crisis social. Nan a pone acerca
cu nan ta mira e necesidad tambe pa personal pa KIA y pa KPA, y banda di dje tin e parti salarial pa

Douane cu ta hisa e gastonan di personal. Aki tambe Minister di Finansa lo duna CFT un splicacion
amplio pa asina convence nan.

Gobierno ya a cuminsa splica CFT cu bou di liderasgo di Minister President, tin un comision cu ta

tratando cu e gastonan di personal cu ya caba a produci un draft cu 32 recomendacion. Den
Ministerraad a pasa riba e recomendacionnan aki pa fiha cua lo implementa pa asina por cuminsa
rebaha gastonan di personal. Gobierno di Aruba ta trahando diligentemente y tumando desicionnan

riba e problema aki. Manera cu e plan aki keda cla, CFT lo haya un copia di esaki.