Page 6 - MIN JUS DEC 30,2015

Andin Bikker Un Minister di Husticia mester

tin caracter si no tuma bo retiro

on: December 29, 2015In: PoliticaNo Comments
Print Email

Durante e ultimo conferencia di prensa di aña 2015 di Partido Democracia Real Andin Bikker a
cuminsa ta splica riba e tema di criminalidad cu a crece den 2015 esaki ta kibra su record.
Criminalidad a kibra tur record e aña aki y e minister ta busca tur escusa pa hustifica esaki. E
politico a remarca cu lamentablemente, si wak den medionan di comunicacion despues di
celebracion di pasco, ta habri atrobe cu pata pata di noticia di criminalidad. A tuma nota di
cosnan cu ta pasando cu ta practicamente den pelicula ta wak, a drenta cu un auto, basha pida
glas abao y bay cu un safe. PDR ta di acuerdo cu comerciantenan, cosnan no por sigui asina. A
para bira cu ta masha normal cu tur dia, of cada pasa un dia tin atraco. Tin otro crimennan
violento ta tuma luga y hogarnan ta wordo distrui of horta. E cosnan aki, ta casi para bira cu
pueblo a cuminsa custuma cu esaki y esaki ta inaceptabel.
E minister políticamente responsabel, ora cu wak’e den parlamento ta constantemente busca
escusa. Ora cu a presenta un mocion di desconfianza contra dje, el a purba di hustifica su mes,
caminda el a splica cu den diferente otro pais, e ta wak indice di criminalidad cu eigenlijk Aruba
ta bon.