Page 1 - AM191019

October 19, 2019
www.awemainta.com
www.facebook.com/awemainta
noticia@awemainta.com
583-1400

Aruba Airlines a haya

permiso pa opera

avion tipo CRJ-200

DIABIERNA mainta na Directie Luchtvaart a

tuma lugar e firmament di un permiso pa Aruba
Airlines mes por opera y maneha e tipo nobo di

avion CRJ-200.
Den e ultimo lunanan e tipo di avion aki taba-

ta wordo opera pa un compania Canades, cual
tabata realisa buelonan entre e islanan Aruba,

Corsou y Bonaire. Mientrastanto, Aruba Air-
lines tabata den preparacion, hunto cu Directie

Luchtvaart, pa haya e certificacion y aprobacion
pa nan mes por opera e tipo di avion aki.

E proceso di certificacion tabata hopi extenso y

a dura varios luna, cual ta encera, e.o., e pro-
ceso pa desaroya y aproba manual, proceduran-

an, checklists, dunamento di training, inspecci-
onnan di e compania, e avion y su procesonan

y tambe buelonan di demostracion. Na final di
tur esaki Aruba Airlines a sa di demonstra cu

e ta cumpli cu e tur e rekisitonan cu Directie
Luchtvaart ta exigi (basa riba e reglanan inter-

nacional di ICAO), y awor Aruba Airlines por
bula e avion cu nan mesun pilotonan y mantene

esaki cu nan propio mecaniconan.

Minister Chris Romero, como titular di e cart-
era di Transporte, ta gradici e profesionalnan

di Directie Luchtvaart p’e trabou desplega y
na mes momento ta felicita Aruba Airlines cu

e logro grandi aki. Ta spera cu esaki lo ta un
cuminsamento pa expande e flota di CRJ-200 y

tambe cu lo bin destinacionnan nobo.