Page 46 - MIN ON

Mike Eman: For di un pais cu tabata cay den otro, nos ta
creando un pais di cinco strea

Monday, 10 April 2017 21:59
Comparti

Cu hopi alegria Prome Minister Mike Eman a ricibi for di su colega di Infrastructura Minister
Benny Sevinger yabi di edificio nobo pa kiosconan cu ta bende souvenir cu turistanan.

E ta un structura moderno, hopi diferente di loke nan ta uzando actualmente. E ta un ehempel di
con Gobierno a transforma lugarnan decai pa sitionan di 5 strea pa logra na final un pais di 5
strea den tur sector.

Dialuna den oranan di merdia tabatin un ceremonia riba Welcome Plasa pa entrega di e
edificionan nobo cu a wordo construi pa ubica e kiosconan cu ta bende producto cu turistanan.
Tabata presente Prome Minister Mike Eman, Minister Benny Sevinger y Minister Arthur
Dowers di parti di Gabinete Mike Eman II y di Parlamento tabata presente Lorna Varlack y
Clariska Velasquez. Ademas por a nota presencia di director di DOW ing. Marlon Croes,
representante di FDA, cu a financia e proyecto y miembronan di InfraTeam.

“E dia di awe pa nos ta uno special. Special den e contexto cu un otro parti di e vision pa renoba
nos isla y renoba nos centronan di ciudad, bario- y scolnan, a bira realidad. Tabata un vision
grandi cu nos a pone nos dilanti algun aña pasa na momento cu nos tabata den oposicion y nos
tabata mira nos isla deteriora. Edificionan tabata cay den otro, centronan di ciudad y barionan
tabata cay den otro, scolnan tabata cay den otro y poder di compra tabata wordo afecta.” A base
di e situacion aki cu partido di actual Prome Minister Eman a mira ora cu e tabata den
oposicion, a traha riba un vision grandi pa trece un cambio pa Aruba. E cambio a keda ilustra
den tur e facetanan di e Programa di Gobernacion cu e dos Gabinetenan lidera pa Prome
Minister Eman a presente pa wordo ehecuta. Ta papia di aspectonan fisico, social y economico.
“Poco poco a pone e vision aki den henter e maneho di gobierno pa renoba bario y scolnan, crea
espacionan publico, canchanan deportivo den e barionan.

Desaroyo di e proyecto di un sede nobo y moderno pa e kiosconan ta forma parti di e vision
grandi di Gabinete Mike Eman unda cu e empresarionan chikito aki ta brinda nan servicio for di
un sede di 5 strea. Edificio moderno, cu baño pa e usuarionan, un baño special pa personanan
den rolstoel y un W-Fi Tree cu ta brinda servicio di internet eyriba.

Na final Prome Minister Eman a bishita e empresarionan na nan actual sede pa informa nan cu