Page 49 - MIN ON

Ta custumber cu unda cu CONCACAF organisa nan congreso, cu e pais mes
tambe ta organisa e evento di recepcion pa e delegadonan y e ehecutivonan di
e CONCACAF mes como tambe di FIFA, considera como un di e organisacionnan

mas poderoso na mundo. Deporte ta uni paisnan y como tal futbol, siendo un di
e deportenan mas popular na mundo, ta hunga un rol importante den esaki.

Na comienso di anochi miembronan di CONCACAF y invitadonan a cuminsa yega

Plaza Padu pa pasa un anochi agradabel. Na yegada invitadonan tabata saca
potret y despues tuma asiento. Andy Martis a deleita tur hende cu a yega cu su

steelpan. E anochi a continua cu un cena, mientras cu tabata warda yegada di e
Presidente di FIFA, Gianni Infantino.

E banda musical Tsunami a deleita tur e delegadonan di CONCACAF. Maestro di
ceremonia tabata Ruben Trapenberg. Presidente di AVB, Ing. Richard Dijkhoff a

gradici tur esunnan cu tabata presente y tabata contento cu pa prome biaha
Presidente di FIFA, Presidente di CONCACAF, Presidente di CONMEBOL y

Presidente di CFU, hunto cu e 41 paisnan delegado tabata na Aruba pe
congreso.

Presidente di CONCACAF, Victor Montagliani tambe a gradici di a haya e
oportunidad pa tene e congreso na Aruba y ta contento cu esaki. Gianni

Infantino di FIFA tambe a gradici tur hende pe anochi maraviyoso.

Como presentacion di e anochi aki, grupo Popcorn Dancers a deleita tur invitado
cu nan baile. Y un biaha mas canticanan di Carnaval no a keda afo y tur

presente a disfruta di esaki. Durante e ‘hora loca’, invitadonan tambe a baila pa
sigui disfruta di e anochi aki.

Na final di anochi cada invitado a haya un regalo chikito como recuerdo di e
congreso di CONCACAF. Miembronan di CONCACAF y invitadonan di e anochi, a

haya esaki bunita y tabata bay cu un sonrisa riba nan cara.