Page 13 - AM210302
P. 13
Diamars, 2 Maart 2021 AWEMainta 13
Aruba a gana 18 medaya den Copa Panamricano
y Colombia Open den Weightlifting
DEN fin di siman for di 22 pa 27 februari 2021 a tuma
lugar e campeonato Copa Panamericao y e Colombia
Open.Sub-15 y Sub-17. Tabatin un participacion di 248
atleta masculino y femenino di 16 pais di Continente
Panamericano.
E competencia a wordo dirigi for di Colombia virtual
via ZOOM. Aruba a participa cu e delegacion cu ta
consisiti di 1 atleta femenino y 5 atleta masculino. E
competencia a tuma lugar den Compleho Deportivo
Frans Figaroa na Noord.
Nos prome atleta cu a bin den accion ta Caytlynne
Lanoy den categoria di 49kg Sub-15 tabata tin 10 atleta
den su categoria ta logra den su hisadanan den snatch
43kg, clean & jerk 56kg pa un total di 99kg ta termina
na di 7 lugar.esaki ta prome competencia internacional
di e atleta aki y a haci un bon presentacion,
Den categoria di 55kg masculino Sub-15 tabatin 8
atleta y nos tabatin dos hisador e prome ta Derrick
Webb cu a logra den snacth 48kg y clean & jerk 61kg
pa un total di 109kg ta termina na di 7 lugar y ta kibra
su record personal.
Trevor Faro ta hisa den snatch 51kg, clean & jerk 60kg
pa un total di 111kg ta termina na di 6 lugar. Travor
tambe ta kibra su record personal.
Den categoria di 89kg SUB 17 nos ta haña Jeremy
Dijkhoff cu 6 atleta den su categoria. Jeremy mester
a bataya duro pa logra den su hisadanan den snatch
101kg, clean & jerk 129kg pa un total di 221kg. cu e
total aki Jeremy ta logra gana 6 medaya di brons pa
Aruba. Prome lugar medaya di Oro a bay pa Mexico
cu 256kg total y medaya di Plata a bai pa Colombia cu
239 total.
Otro atleta cu ta hisa pa prome biaha ta Ender Ortiz cu
a hisa den categoria di 96kg Sub-15 ta tabatin 3 atleta
den su categoria ta logra den su hisadanan den snatch
60kg, clean & jerk 75kg pa un total di 135kg. cu e
total aki Ender ta gana 6 medaya di Brons pa Aruba.
Medaya di Oro a bay pa Ecuador cu 195kg total y
medaya di Plata a bay pa Chile cu148kg total.
Por ultimo nos ta haña Ethan Ruiz kende a hisa den
categoria di 102kg tabatin tres atleta den su categoria
y mester a bataya duro contra e atleta di Chile p’asina
logra gana 6 medaya di Plata den su categoria. Ethan
ta logra den su hisadanan den snatch 57kg, clean &
jerk 71kg pa un total di 128kg. Ethan cu e total aki
ta kibra su record personal. Medaya di Oro a bay pa
Ecuador cu 155kg total y medaya di Brons a bay pa
Chile cu 127kg total
Aruba Amateur Weigtliting Association kier a manda
palabra di pabien na tur e atletanan cu a participa, kibra
nan record personal y esnan cu a gana medaya pa pais
Aruba y palabra di gradicimento ta bay pa entrenador
internacional Walter Llerena for di Ecuador y tur
boluntario nan cu a yuda den e Campeonato Copa
Panamericano y Colombia Open.
