Page 80 - ATA

ORANJESTAD (AAN): “E forma desproporcional y sin maneho di e minister encarga cu
infrastructura, durante e ultimo añanan, a conduci na mas di 7 mil camber di hotel,
condominium y apartamento otorga. Esaki totalmente sin tene cuenta cu e desaroyo
sostenible y proteccion di nos medio ambiente.

Mester purba frena esnan ya caba otorga y permiti solamente hotelnan tipo boutique
worde desaroya na un forma controla y planifica”, asina e minister di Infrastructura y
medio ambiente a duna di conoce.

“Mester pone un paro na hotelnan cu impacto negativo riba nos desaroyo teritorial. E
mandatario ta splica cu pa e area di Noord, esta Palm Beach y Eagle, definitivamente
mester implementa un moratorium. Pa San Nicolas por permiti un desaroyo controla, cu

e meta di fomenta y incentiva actividadnan economico pa e area y cu pa e area mas
central mester papia di crecemento modera di boutique hotelnan cu cantidad di
cambernan modera.

Aki mester pensa tambe riba incentiva acomodacionnan den centro di ciudad pa asina
crea desaroyo economico pa e area comercial. E mandatario a sigui mustra ariba e
hecho cu mester haci un esfuerzo maximo pa limita e impacto di e propiedadnan grandi
aki otorga y comprometi pa e minister y gobierno anterior.

E mandatario ta reconoce cu di un banda tabata tin hopi esfuerzo pa evita locual awe ta
un realidad, pero di otro banda a keda corto.

“Unda gremionan y otronan tabata durante e ultimo añanan aki” e minister actual ta
puntra su mes. Mientras mandatarionan di e gabinete anterior tabata tuma e gruponan
aki haci, primintiendo cu lo proteha ereanan y yenando nan wowo cu accion nan sin
berdadero contenido, miles y miles di camber tabata worde otorga y comprometi den

zonanan berde y di naturaleza, pa no papia mes di esnan den “wetland”.

Minister Otmar Oduber a mustra riba e hecho cu foi basta aña pasa caba a bati alarma
ariba e practica aki di e minister anterior di infrastructura, pero ta contento cu awor

voznan ta lanta y realiza cu mester pone un fin na e practica aki hiba pa hopi aña. E
mandatario ta keda di opinion cu un crecimento sostenible mester worde logra atravez
di un balansa entre e desaroyo infrastructural y e proteccion di su medio ambiente, cual