Page 7 - AM201202

Diaranson, 2 December 2020 AWEMainta 7

SVb ta introduci portal AO Online

Dia 1 di december SVb ta introduci cambio den procedura di notifica AO Online

SVb ta sigui inova y brinda servicio cu tecnologia
avansa na su clientenan. E siguiente desaroyo t’e
portal nobo di AO Online. Riba e portal aki trahado
den sector priva por notifica AO Online, y awor tambe
por notifica AG y ricibi consulta medico si ta sigui
malo riba e di tres dia.
Pa usa e sistema nobo prome mester registra un
cuenta riba e portal di AO Online. Banda di e portal
nobo, nos liña di telefon pa notifica AO na 527-2782
y pa consulta medico 527-2730 ta keda den servicio.
E procedura pa notifica AO Online ta consisti di 4
stap:
1. Registra bo cuenta personal riba e portal na
https://ao.svbaruba.org

2. Na momento cu ta malo ta log in riba e portal
y ta primi e boton pa Meld AO

3. Si ta bay traha bek dentro of riba e di tres dia
ta primi e boton pa Meld AG

4. Si ta sigui malo riba e di tres dia ta primi e
boton pa pidi consulta medico

Cada stap ta wordo graba riba e portal y e trahado
ta ricibi confirmacion tambe via email. E doño di
trabao tambe ta wordo notifica di e fecha di AO y
di ora cu ta bay traha bek (AG). E doño di trabao ta
ricibi solamente e nomber di e trahado y fecha di e
notificacion di AO y e fecha cu ta bay traha bek (AG).
Special pa e portal aki SVb a habri un Helpdesk pa
duna asistencia na cada cliente cu por encontra un
problema durante e procedura di notifica AO online.
Pa ricibi ayudo por tuma contacto cu nos Helpdesk
via whatsapp na 527-2740, of via nos facebook
messenger. Nos no por ricibi yamada riba e helpdesk
tampoco por notifica AO of AG via whatsapp of
facebook messenger.
SVb ta pidi tur trahador di Aruba pa sigui cuida curpa
lo mihor posibel na cas y specialmente na pia di
trabao.
SVb – Seguridad pa Aruba su comunidad