Page 13 - AVP

Pa cambio tuma luga den Gobierno dor di decision di Parlamento, tur loke ta necesario
na Aruba ta pa mayoria pa sostene gobierno no ta presente mas. Un situacion cu no ta
desconoci na e pais.

Pero tabata tin otro posibilidad pa Mike. E por a evita cu e actual gobierno a sinta si
despues di eleccion di 2017, el a tuma rienda di e pais dor di forma un gobierno. E
fastioso pa su persona lo tabata pa e goberna cu un coalicion na luga di un mayoria
absoluto cu a permiti su gobierno haci cu placa y economia di Aruba manera nan tabata

kier segun rapport oficial.

Pues na 2017 ya Mike no kier a bira Ministro Presidente den e situacion cu e pais
tabata. Mike miho cu ningun hende tabata bon na haltura di loke e programa di

gobernacion lo mester tabata si el a bira Ministro Presidente na 2017.

Mike tabata sa cu e lo a bira Ministro Presidente di un pais cu mester a tuma medida
pisa pa asina orguyosamente paga e debe cu el a laga atras. Mike tabata sa cu si el a

bira Ministro Presidente e lo mester a bisa pueblo cu mester lubida Citgo. Mike tabata
sa cu e mester a splica Algemene Rekenkamer Aruba kico a pasa cu placa di Bo Aruba y
cu e mester a bini cu un presupuesto pa 2018 cu cuchiu di Hulanda na su garganta.

Ora otro gobierno a wordo forma, Mike a dicidi pa keda leu for di Parlamento caminda e
por a cuminsa un proceso pa manda gobierno cas. Mike por a pidi un investigacion di
Parlamento pa e forma cu gobierno ta laga “pueblo cu hamber” pa uza palabra di su
partido.

Si Mike tabata den Parlamento e lo a pidi Algemene Rekenkamer Aruba pa bini cu un
rapport pa mustra cu gobierno actual a sigui cu e mal custumber di su gobierno, di
hinca Aruba den desaster. Mike por a uza e rapport aki pa baha gobierno den

Parlamento.

Pakico Mike a keda for di Parlamento?

Ora resumi e storia di Mike ta mira cu Mike a evita te awo di bira Ministro Presidente cu
mester tuma medida pa loke el a haci. Awo e tin un chens miho pa bisa cu no ta su
gobierno a abusa di placa di Aruba riba baricada.