Page 18 - AVP

Parlamentario Jennifer Arends-Reyes (AVP):

Gobierno Di MEP-POR-RED No Ta Dunando Balor Y

Respet Na Maestronan Na Aruba

 Politica
- 06/11/2019

Sra. Jennifer Arends-Reyes por a wak y scucha maestronan pa basta tempo caba ta manda
carta y ta vocifera nan preocupacionan na Gobierno. Tin desaroyo nobo, pero cada biaha
e desaroyonan aki no ta na beneficio di maestronan. Mas nan ta wordo perhudica, mas
nan ta wordo intimida di tur skina directo y indirecto via medio social y prensa y asina
nan no ta sinti nan mes comfortabel ni liber pa expresa nan mes.

Esey t’e realidad cu nos ta bibando aden na 2019, duna tur cu kier expresa nan mes e
espacio pa haci’e. Despues cu fraccion di AVP a pidi un reunion publico na varios
ocasion, ainda e maestronan ta wardando p’e reunion wordo yama. Tabatin varios
manifestiacion exigiendo pa pone mas atencion riba e condicionnan y trabou mes di
maestro cu ta exigi atencion. Cu tur respet pa tur dia di estudio pa maestro, inovacion ta
bon den enseñansa, pero corda cu maestronan t’e curason di enseñansa si no percura pa
scucha nan y tuma nan na serio no lo tin ni begeleider manera cu e Minister su vision ta
p’e tarea di maestronan den enseñansa den futuro sercano, segun Jennifer Arends-Reyes.