Page 26 - AAA

Deseo di Gobierno ta expande nos espacio areo

Tuesday, 11 July 2017 22:10
1

Comparti

Tin hopi diferencia di opinion kisas pa loke ta espacio aereo y maneho. Nos ta kisas hasta na merced of ta
depende di Corsou pa nos por haya informacion of atende cu espacio aereo den e region.
Nilky Kock, director di ANSA ta conta cu yegada di un control di zona cu radar, etc., lo por duna kisas e
poder cu nos mester pa nos mes handle nos cosnan mas trankil.
Un di e bentahanan grandi di radar riba su mes ta, cu bo por wak, bo sa unda tur e trafico aereo ta.
Kiermen e controler no ta traha ciegamente, den e sentido cu awor aki por ehempel, den e periodo cu no
tin radar, e controler ta duna instruccion na e pilotonan, pero nunca tin e 100% siguransa cu e piloto a
compronde su instruccion y cu el a sigui su instruccion. Esey ta crea risico pa trafico aereo.
Un radar continuamente por mira unda e avionnan ta. No solamente e parti di siguridad, pero por traha
mas eficiente tambe. Den sentido di separacion e criterianan ta menos tambe ora cu ta traha cu
surveillance, cu radar en todo cas. Esey ta e bentahanan mas den termino di eficiencia y tambe siguridad
di trafico aereo. Un otro aspecto importante cu ta mas aplicabel pa e situacion local di Aruba, cu pa hopi
aña tin discusion den reino, specialmente entre Aruba y Corsou, prome cu esey Antias Hulandes, over di
e trafico aereo, mas tanto e espacio aereo. Discusionnan cu un dado momento no a bay den bon
direccion, pero cu nos por bisa desde aña pas of dos aña pasa, a bolbe cuminsa cierto combersacionnan
riba e topico di loke ta airspace di Aruba y Corsou. Nos Gobierno e tempo ey, a base di e discusionnan ey
cu tin, a manda un carta tambe pa Gobierno di Corsou, informando nan, confirmando un biaha mas e
deseo, di Gobierno pa expande e airspace di Aruba cu nos tin, una bes cu tin e radar. Gobierno a bisa cu e
deseo ta cu una bes cu Aruba tin un sistema di radar operacional, e deseo di Gobierno ta pa expande nos
espacio aereo tambe.
E pensamento di ANSA ta y pesey mes a cumpra e radar, pidiendo e exigencia ey tambe di e
funcionalidad di e sistema, cu nos mester por wak trafico aereo na un forma hopi mas zuiver, cumpliendo
cu e calidadnan di IKEO pa loke ta radar di 50 miya. Ta papiando awor aki cu e deseo di Gobierno y
ANSA ta sostene den esaki, pa expande nos espacio aereo, haci’e practicamente dobel mas grandi,
creando mas espacio. Pa ANSA no pa tin un espacio aereo mas grandi, pero pa por maneha nos trafico
areo na un forma mas eficiente. Awor aki nos ta hopi limita door di e espacio chikito cu mester maniobra
den dje.