Page 30 - AAA

Ya ANSA NV ta dos aña y mey mas leu cu varios proyecto den
pipeline

Tuesday, 11 July 2017 22:14
1

Comparti

Nos ta mas cu dos aña leu cu ANSA NV a nace. Nilky Kock, director di ANSA NV, a splica un tiki con tur
cos ta canando te na e momentonan aki. Semper a bin papia di radar.
Nos tin un radar cu nunca a traha. Nos ta mir’e, pero nunca a traha. Nos ta depende hopi di afo pa nos
por controla nos espacio aereo.
Kock a splica cu ANSA a cuminsa su operacion na aña 2015, cual ta dos aña y mey operando como NV.
Prome cu esey nan tabata un seccion di departamento di Aviacion Civil. Pero entrante Januari 2015, nan
ta un NV di Gobierno, e unico shareholder di ANSA. Un di e metanan principal cu nan a wordo funda e
tempo, y por haya esaki tambe den e Memorie van Toelichting riba e ley ey cu a autorisa minister pa lanta
ANSA, tabata pa elimina mas pronto posibel e atraso cu tabata tin den inversion. Pa hopi aña Gobierno,
pa motibonan financiero, no a duna e atencion necesario pa loke ta modernisacion di ekiponan necesario
pa control di trafico aereo y esey ta un di e motibonan pakico ANSA a wordo funda. Nan a traha un plan
di inversion hopi ambicioso pa elimina e atraso den inversion y por ehempel e proyecto cu awe tin cu nan
ta haci e transicion p’e, cu ta e sistema di AHMS cu ta un parti di e inversionnan. Radar ta un proyecto
tambe grandi pa e aña aki. Ta papiando di aña 2017 solamente di inversion di 5.5 miyon cu ta haciendo.
Pa bin cu un status update, na Mei, e controlernan a haci e training teoretico pa loke ta e curso di radar.
Despues na Juni y Juli a haci y ainda ta haciendo na Trinidad nan curso, cual ta e parti practico pa loke ta
e radar. Pa ora cu esaki termina, na Augustus e supplier di e sistema di radar cu ta Tales di Francia, lo
provee curso tanto pa e personal tecnico, pa nan conoce e sistema miho pa loke ta e aspecto tecnico y
mantencion y di otro banda tambe e personal operacional lo cera conoci miho, cu e funcionalidadnan di e
sistema di surveillance.
Esey lo tuma luga den Augustus pa asina por bay over na cuminsamento di September, mas of menos dia
4, pa haci’e un evento grandi, unda cu lo bay live cu nan sistema di radar. Bisando esey, no ta nifica cu
nan sistema di radar no ta cla. El a wordo instala durante e ultimo lunanan, vooral e parti grandi di
instalacion cu a tuma luga den lunanan di April y Mei. Awor aki por bisa cu dos siman pasa tabata tin
loke ta yama e SAT, cu ta Site Acceptance Test, cual ta nifica cu ANSa como compania, a acepta cu e
sistema di radar cu a wordo entrega na nan, ta cumpli despues di haci testnan hopi profundo y riguroso.
Nan a acepta cu e sistema cu a wordo entrega na nan, ta e sistema cu ta cumpli tambe cu loke ta wordo
yama e request for proposal, cual ta un term of reference, unda cu a splica den e documento tur e
funcionalidadnan, cu sistema mester tin. ANSA ta orguyoso cu nan tin un sistema cu ta realmente
cumpli cu tur e rekisitonan cu a pone. Tecnicamente desde dos siman cu a acepta e test, e sistema ta
operacional. E controlernan, ta uzando e sistema. Solamente loke ta yama den aviacion, Situation
Awareness, tin un bista den trafico aereo na cada momento. No ta uzando e ainda pa separa avionnan for
di otro. Esey lo por sosode despues cu e controlernan bin bek. Una bes na September cu nan bay life, nan
tin cu haci un on the job training, bao di guia di un inspector, un persona cualifica cu a keda certifica
tambe y acepta door di Directie Luchtvaart pa haci esaki, cu nan lo ta calcula cu lo bay dura un 5 pa 6
luna, pa asina nan por prepara e empleadonan na un forma optimal. Si tur cos ta bon, den cinco pa seis
luna, e controlernan e ora, tur lo ta certifica y e ora independiente nan lo por funciona y haci uzo di radar