Page 10 - KPA
P. 10
Accidente basta fuerte entre dos auto na crusada banda di
RCA
Tuesday, 06 June 2017 08:44
Comparti
Diamars mainta trempan a sosode un accidente basta pisa banda di RCA. Tabata banda di 6or
cu Polis a wordo manda poco pura na e crusada fastioso. Aunke tin borchi tog tin chauffeur cu
ta pasa bay sin duna preferencia.
E biaha aki e pickup blanco tabata bay direccion pariba pa Sero Blanco y e auto Mitsubishi
tabata bay direccion Tanki Leendert. E chauffeur cu e pickup no a duna preferencia. Pesey mes
el a bay dal hopi duro den e Mitsubishi. Den e Mitsubishi tabata tin un homber y un muher.
Ambos ta traha parce na Hospital como seguridad. Nan a keda herida. Dos ambulance a
presenta y asina nan a hiba nan hospital pa asina wordo controla mas leu. Nan no ta grave. E
daño material si tabata hopi.
