Page 13 - KPA

Minister Dowers mester entrega su retiro na

gobernador

Benny Nisbet (PPA):

ORANJESTAD (AAN): Segun Benny Nisbet di PPA, nos pais ta den un situacion hopi
tristo….un crisis financiero….economia stanca….y un criminalidad creciente !! Ta parce

como sifuera cu criminal ta domina nos sociedad mientras cu autoridad no sa kico pa
hasi ??

Pa tur esaki esun cu ta carga responsabilidad constitucional/politico pa e ministerio di

Justicia ta e ciudadano politico mr. Arthur Dowers !!

Mei mei di tur e crisis/caos/disaster aki…..direpiente Aruba a confronta otro caso di un
tiroteo na Jaburabari na unda un chines/canades a worde tira/mata. A bin resulta cu

tabata tin un fiesta entre un grupo cu a bin di exterior pa ‘gamble’ na unda tambe
tabatatin un ‘escort service’ cu a entrega e escortnan pa e anochi festivo aki. Algo a
bai robez cu a resulta den un tiroteo cu un morto !!

Como sifuera cu esaki no tabata suficiente …. Ta sali publica cu un di e persona aresta
y envolvi lo ta un persona di Canada busca pa un tiroteo cu morto na su pais. Pero
esey no ta tur….ta resulta cu 1 anja pasa un matutino a publica presencia di e persona
aki cu lo no a bandona nos pais…anto cu ministro di Justicia a ridiculisa e matutino

!! Wel Wel…..ta kiko ta e posicion di ministro Arthur Dowers awo ?? Unda su
declaracion relaciona cu a capitulo serio aki ta ??

UNDA RESPONSABILIDAD CONSTITUCIONAL A KEDA PA E CAPITULO AKI ?

Ta parce cu miembro di gabinete Mike Eman (AVP) a perde e sentido di responsabilidad

…nan kier keda ministro pero nan no kier saca conclusion ora cu desaroyo pa cual nan
ta carga e responsabilidad constitucional/politico realmente sali for di man.