Page 17 - KPA
P. 17
Casibari: Diadomingo algo pasa di 10’or di anochi, polis y ambulance ta wordo
manda cu hopi urgencia na Casibari un poco panort di Centro Kibrahacha pa un
accidente caminda un auto lo a pasa riba un persona y e situacion di e persona
ta hopi kritico.
Na sitio nan ta bin compronde di testigonan, cu chauffeur di un Toyota Yaris lo a
dal e persona, despues lo a reverse pasa riba dje y a bandona e sitio. E persona
aparentemente lo a ricibi slanan hopi serio na su cabes, e tabata move pero
tabata for di tino.
Personal di ambulance hopi liher a prepara e victima y cu urgencia a transport’e
pa hospital, polis na e sitio a manda pidi pa recherche y departamento
technico pa asina haci mas investigacion. Aparentemente no por descarta e
posibilidad cu por ta trata di un intento di asesinato.
HOBEN DETENI, SOSPECHOSO PRINCIPAL
DI A TRAPA E PEATON NA CASIBARI
05/06/2017 Admin Uncategorized Leave a comment
Nuñe – Paradera Dialuna marduga despues di busca pa algun rato autoridad ta bin detene e
chauffeur sospecha di a reverse dal un peaton y pasa e auto ariba dje na Casibari.
Algo prome cu 12:45 di dialuna marduga polis ta yega e cas Nuñe 2G, caminda ta detene un
hoben. E hoben aki ta e sospechoso principal den e caso di diadomingo anochi cu auto a pasa
ariba un peaton y bay Nuñe . Esey a sosode den careda di 10:16.
Na e cas nan ta haya e Toyota Yaris blanco glas getint, cu posiblemente a wordo usa pa dal e
peaton y despues pasa ariba dje.
E hoben hulandes, cu tawata mustra bastante agita tawata papia yen cos for di sla.
Su mama y su tata mes pa loke por a wak a entrege na autoridad y cana hunto cune bay na e
patruya, den e auto e tawata keda hasi fastioso, manera un persona cu lo por ta bou di efecto di
un of otro droga.
Despues di e acto horibel, e hoben lo a yega e cas y hinke e auto te patras y segun nos por a
compronde na e sitio e lo a labe, tratando asina ey di kita tur evidencia.
E hoben a wordo transporta pa warda di Santa Cruz y e auto a ser hiba door di takelwagen pa
Balashi, caminda cu durante dia departamento tecnico di polis lo sigui cu nan investigacionnan.
