Page 19 - KPA

Durante accion a cera varios restaurant pa

incumplimento cu higiena

- Advertisement -

ORANJESTAD (AAN): Riba diamars 30 di Mei y riba diahuebs 1 di Juni ultimo a tuma
luga un accion riba varios restaurant y “take away’s” den area pariba di brug. Diamars
30 di Mei entre 9:00am y 9:00pm a tene e accion, mientras cu dia 1 di Juni a tene e
accion entre 4:00pm y 11:00pm. E accion a conta cu representacion di DOW,

Brandweer, Seccion di enfermedadnan contagioso y Departamento di Salud Publico.

Durante e accion di diamars autoridadnan a cera algun luga pa motibo di no a cumpli cu

e reglanan higiena. E luganan cu a laga cera tabata Grote Berg Snack, E.M. Snack,
Juana Morto Take Away, Asian Sranang, Big Happy, Aki Sushi y Tio Pepe. Tabatin
casonan mas serio, manera Jona’s Best snack y White Star Grocery cual a cera te cu
proximo aviso.