Page 82 - KPA
P. 82
Detencion estilo pelicula banda di CMB Palm Beach y den
Caya Musica
Monday, 05 June 2017 19:36
Comparti
Recherche hunto cu Team di Aresto a afectua un detencion dialuna atardi despues di 6:30pm riba caya banda di
CMB na Palm Beach y Caya Musica # 33, cas di un homber di fam Petronilia cu tin su cas na huur. E homber tabata
den noticia algun tempo pasa ora cu desconocinan a tira riba su auto den Madiki.
Dialuna Polis a yega na e cas den forma di sorpresa y a bay cu 2 sospechoso. Kico ta e motibo no ta conoci ainda.
Testigonan a conta cu e homber ta huur e cas cu un famia mientras cu su mama mes ta biba den un apartament
patras. Varios unidad di Polis, tanto uniforma como na civil a yega cu arma den man pa detene e sospechosonan. E
caso na CMB tabata riba caya y team special di Polis tabata sigui e grupo aki pa basta rato caba. Nan a pidi refuerzo
pa asina purba haci e detencion. Polisnan cu patruya a presenta y blokia e auto aki. Tambe recherche a bin yuda pa
haci e detencion. Cada biaha tabata pidi e agentenan cu tabata yega pa bay cu precaucion pasobra ta hendenan cu
por ta arma. Sigur un tremendo trabou unda a haci varios detencion. Mas durante dia a laga nan den libertad
pasobra nan no ta envolvi den e caso cu Polis ta investigando
