Page 27 - MIN JUS

AWEMainta Diaranson, 10 Februari 2016 11

Parlamentario mr. Xiomara Ruiz Maduro:

E populismo di Prome
Minister Mike Eman
ta locual ta perhudica
bienestar di pueblo

E TA remarcabel con e lider di fraccion di AVP, drs. Rene (Baba) Herde ta tilda

MEP pa ta practica populismo descabeya ora di presenta mocion bisando cu nos
di MEP no ta splica di unda e fondo lo bin pa cubri e gastonan relaciona cu e
mocionnan cu nos ta presenta.
Ta parce manera cu Baba Herde a lubida p.e. riba e grito populista di su lider
Mike Eman pa elimina BBO. Pasobra ta cu e grito populista aki di elimina BBO,
Prome Minister Mike Eman a yega y a keda na poder.
Condenabel ta cu Baba Herde como Parlamentario enbes di pone un paro n’e

practica di populismo di Prome Minister Mike Eman, ta
sinta papia bon net locual ta perhudicando e bienestar
di nos pueblo, segun mr. Xiomara Ruiz Maduro (MEP).

Populismo descabeya
Segun Baba Herde, ta facil pa propone cosnan cu ta
zona masha atractivo y hasta deseabel, pero si bo no
bisa con ta paga pa nan, bo ta gaña pueblo. Bo ta actua
iresponsabel.

“Nos ta bisa mesun cos. Ta facil pa Prome Minister
Eman propone pa elemina BBO, keda sin bisa di unda
otro lo saca placa pa goberna y keda gaña cu tur cos ta
bon na Aruba siendo cu ta redobla e debe y hiba nos
pais bou supervicion financiero di CAFT.
Di e manera aki Prome Minister Eman ta actua
iresponsabel den gobernacion di nos pais.

Pero mas iresponsabel y descabeya t’e populismo
practica pa Rene (Baba) Herde buscando moda
pa culpa henter mundo p’e fracaso di gobernacion
di Prome Minister Eman enbes di enfrenta Prome
Minister Eman cu e berdad cu el a faya den goberna
nos pais na drechi”, mr. Xiomara Ruiz Maduro.

Stop di core pa responsabilidad
Baba Herde y Prome Minister Eman mester realisa cu
nan no por sigi core pa nan responsabilidad. E grito
populista di Prome Minister Eman pa elimina BBO a
causa un daño grandi na nos finanza publico y tambe
n’e stabilidad economico di nos pais.
Esey tabata e decision di mas descabeya pa nos pais y
enbes cu Baba Herde a condena esaki te dia di awe e
kier papie bon.
“Ta yega ora pa Baba y Eman asumi nan responsabilidad
y realisa cu nan no por sigi perhudica e bienestar di
nos Pueblo cu tanto populismo”, mr. Xiomara Ruiz
Maduro (MEP) a conclui.