Page 6 - bon-dia-aruba-20171118

a6 regional
Diasabra 18 November 2017
Cinco clave pa comprende proceso di eleccion na Chile

CHILE (MinutoUno).- Diadomingo Chile lo elegi
su proximo presidente, den su di siete proceso di
eleccion desde cu regimen democratico a bolbe
na aña 1990. Ex-presidente Sebastian Piñera y se-
nador Alejandro Gullier oficialista (candidato di
banda di gobierno actual), ta den e grupo di candi-
dato pa participa den e eleccion aki.

E clavenan ta:
* Voto no ta obligatorio
Desde 2012 no ta obligatorio mas pa vota na Chile. Esaki ta
aumenta e cantidad di abstencion. Den e proceso di eleccion
comunal di aña 2016, na Chile a participa 35% di e votantenan
solamente.

* Centro izquierda ta dividi
Pa prome biaha desde cu democracia a bolbe na Chile, e gru-
po oficialista lo participa dividi entre dos candidato.

* Participacion femenino
Den e eleccion aki lo cuminsa cu ley di cuota, cu ta percura pa
aumenta cantidad di hende muhe den parlamento. Te awor
tin como 16% di representacion femenino so. E ley nobo ta
obliga tur partido politico pa tin mas di 40% di hende muhe
como candidato.

*Voto for di exterior
Pa prome biaha tur Chileno cu ta bibando pafo di Chile, lo
por vota.

*Pinochetista

Di ocho candidato cu ta participa, un di nan ta declara su mes
admirador di e regimen di Augusto Pinochet y ta e diputado
ultraconservador José Antonio Kast, cu a haci un yamada na
tur hende di e grupo conoci como “famia militar” pa vota p’e.

Antonio Ledezma a huy for di Venezuela cu destino pa Europa

VENEZUELA (ElNacional).- Alcalde metropolitano, Antonio Ledezma, cu tabata priva di libertad den un regimen di ‘cas
pa prizon’, a huy hunto cu su famia diabierna marduga via frontera cu Colombia.

Ledezma tin como destino final un pais di Europa, asina un
vocero a splica.
Funcionario di polis di servicio Bolivariano di inteligencia na-
cional Sebin) a haci un entrada hudicial na cas di e dirigente
aki.
Diahuebs e lider di partido Alianza Bravo Pueblo a cumpli
1.002 dia di su detencion.
Dia 1 di Augustus di 2017, varios polis di Sebin a saca Ledez-
ma di su cas, despues cu el a publica un video cu un mensahe
pa pueblo Venezolano.
Ledezma a ser deteni dia 19 di februari di 2015, despues cu
fiscalia general di Venezuela a emiti un orden di captura con-
tra su persona. E dirigente a ser deteni pa efectivo di Sebin cu
tabatin nan cara tapa y cu arma di candela, ora nan a drenta na
oficina di e alcalde aki.