Page 7 - bon-dia-aruba-20171118

regional Diasabra 18 November 2017
a7

Argentina ta impulsa un corte penal pa Latino America y Caribe

ARGENTINA (ElUniversal).- Abogado, legislador y otro personahenan
intelectual di Argentina, hunto cu apoyo di presidente Macri, a presenta
un proyecto pa asina logra e creacion di un corte penal Latino America-
no y di Caribe, contra crimen transnacional organisa, bao di e nomber
Corte Penal Latinoamericano y di Caribe contra Crimen Transnacio-
nal Organisa (Copla).

“E proyecto ta busca promocion di un instrumento institucional y huridico di e
region pa combati tur mafia y descabesa crimen organisa,” Fernando Iglesias a
splica di banda di e coalicion di gobierno Cambiemos, ora cu nan a presenta un
proyecto na universidad di Buenos Aires.

E proyecto a cuminsa na aña 2015 y despues el a haya apoyo di otro parlamentario
di Argentina y di Mercosur tambe. E proyecto tin apoyo di tres ministro di poder
ehecutivo di Argentina manera esnan di relacion exterior, seguridad y husticia.

“E organismo lo ta un complemento di otro organo di husticia di Argentina,”
Ricardo Gil Lavedra, firmante di e iniciativa a splica. E tabata participe di un tri-
bunal civil cu na 1985 a enhuicia y condena e hunta militar, cu via un dictadura a
goberna Argentina entre 1976 y 1983.
Segun su estatuto, e organismo lo combati gruponan di crimen organisa, ora cu
e actividad ilegal lo tin relacion cu un of dos estado, cu ta forma parti di e organ-
ismo aki, Christian Cao, abogado y coordinador di area di redaccion di e proyecto
a informa.

E iniciativa ta conta cu apoyo di artista y intelectual di Uruguay, Brasil, Venezuela,
Colombia, Mexico, Bolivia, El Salvador, Nicaragua y Peru, entre otro, y cu par-
ticipacion di otro personalidad di Alemania, Spaña, Italia y Reino Uni.
E mecanismo nobo lo funciona separa di otro organismo internacional y lo tin
responsabilidadnan diferente cu esunnan di Corte penal internacional na Den
Haag tin.
Un asamblea di representante di e grupo di pais cu ta apoya e funcionamento di e
corte aki, lo dicidi esunnan cu lo participa den e grupo aki.

“Ta un iniciativa valioso pa asina duna un respuesta efectivo pa pueblo, y combati
delincuencia organisa,” Juan José Benítez, subsecretario di Politica Criminal di
Ministerio di Seguridad Argentino a bisa.

E grupo cu ta impulsa e proyecto aki ta aspira pa na aña 2019 mayoria di presidente
di America Latino y Caribe por reuni, pa aproba e conformacion di Copla y un
prome estatuto cu lo establece formalmente su funcionamento.

Submarino Argentino cu 37 tripulante a desaparec desde diaranson ultimo

ARGENTINA (BioBio).- Militarnan di Armada di Argentina a confirma cu un submarino,
conoci como ‘ARA San Juan’ a perde cu 37 tripulante a bordo. Te na e momento aki nan Segun corant di Argentina Clarin, “e nave a
tin sospecho cu un fayo mecanico y candela den area di bateria di e submarino lo a daña registra un fayo mecanico diaranson mainta,”
su sistema electrico. pasobra desde diaranson cu a pasa, base di
control a perde contacto cu e submarino aki.

ARA San Juan a ser construi na Alemania y ta sirbi pa garan-
tisa seguridad di Argentina desde 1985. E submarino tabata
traha den labor di vigilancia na Puerto Madryn, norte di pro-
vincia di Chubut.
“Nos no a haya ningun submarino,” Enrique Balbi, vocero di
Armada a splica, en vista di otro comentario cu tabata bisa cu
e submarino a ser haya caba.
Enfrentando e situacion aki , un operativo a cuminsa pa asina
purba haya e embarcacion y su tripulantenan.
“Nan a establece un procedimento di buskeda y rescate cu
participacion di dos corbeta y un avion di ehercito, pa asina
controla e zona aki,” corant Clarin a splica.