Page 34 - AWEMAINTA

34 AWEMainta Dialuna, 23 April 2018

Deporte

Aruba Table Tennis cu torneo Copa Rey 2018

DIAMARS 24 di april benidero Federacion di Tenis di Mesa, ATTA
lo cuminsa cu un torneo cu duracion di 5 dia cu a haya e nomber
di Copa Rey esaki en conexion cu e celebracion di Rey Willem
Alexander.
E torneo lo inicia diamars 24 cu e weganan den e categorinan masters
y dama esaki pa 7:30 di anochi den Centro Deportivo Betico Croes.
Pa su mañan diaranzon 25 di april lo tin e weganan den e categoria
U15 esaki pa 5or di atardi den Club Estrella. E bataya lo sigui
diahuebs den e categoria U11 pa 5or di atardi den Club Estrella
na Sta Cruz.

Su siguiente siman, esta dialuna 30 di april e categoria di U18 lo
midi forza contra di otro, mientras pa diamars 8 di mei lo tin e
ultimo categorianan esta U13, Open y B Klas. Tuma bon nota
cu e categoria Open/B Klas lo ta den Centro Deportivo Betico
Croes esaki pa 8or, mientras e categoria U13 ta na IBISA
San Nicolas esaki pa 5or di atardi.

Un di e deportenan na Aruba cu mas progreso a conoce sin
duda ta tenis di mesa. E hoben prospectonan den e deporte
aki ta riba e bon caminda. Ya caba nos atletanan a hunga den
varios wega di clasificacion unda a saca hopi bon resultado.
Esaki sigur ta danki n’e sublime trabou di e propio atletanan y
sigur tambe na e directiva, entrenador y coachnan sin lubida e
mayornan.
Algun siman atras un grupo relativamente hoben
a bay Cuba unda a logra hopi bon resultado,
mientras siman pasa den e galardon
Premio Excelencia den Deporte varios
di nan atletanan a ser honra cu un
reconocimento pa nan excelente
trabou den e aña deportivo 2017.

S t i c ht i n g
Sportsubsidie
Aruba ta
subsidia e 5
dianan di
campeonato
di tenis di
mesa en
connexion cu
Dia di Rey.