Page 35 - AWEMAINTA

Dialuna, 23 April 2018 AWEMainta 35

Deporte

Federacion di Esgrima lo celebra Dia di Rey

na IBISA San Nicolas

CONTRARIO n’e orario di custumber cu ta parti mainta, Federacion di Esgrima, SABA lo
organisa un competencia di esgrima diabierna 27 di april proximo riba Dia di Rey cuminsando pa
6or di atardi.
Esaki lo t’e di tres competencia di e aña aki organisa pa dicho federacion mirando e dos
competencianan anterior cu ta Dia di Betico y Himno y Bandera.
E competencia lo wordo teni na IBISA San Nicolas y ta pa tur atleta y
clubnan miembro, mientras e programa lo inicia pa 6or
di atardi.
Ta pidi encarecidamente e clubnan pa inscirbi
tempran y e atletanan tur mester bini uniforma.
Mester bisa cu e competencia ta riba wapen y degen.

E deporte di esgrima conoci tambe como un deporte Olimpico
ta creciendo poco poco na Aruba mirando e scolnan cu tin. Aña
pasa e federacion a conoce un bon temporada unda a logra varios
premio den e Dutch Caribbean Fencing Championship.
E Federacion di Esgrima a organisa tambe un workshop duna p’e experto mr. Sarkis
Assadorian. E workshop aki tabata un exito rotundo unda e experto mr. Assadorian durante
6 dia largo a duna diferente tayer unda a enfoca riba e agilidad, reflex, resistencia, habilidadnan
basico, drills y mas cu claro con pa anda cu e material di esgrima.

Siman pasa, e atleta prospecto den e deporte di esgrima, Tirslain Jansen tabata nomina pa e categoria
Atleta di Aña 2017 den Premio Excelencia den Deporte.
Stichting Sportsubsidie Aruba ta subsidia e campeonato di esgrima en conexion cu Dia di Rey.