Page 71 - DESPA

Salubridad Publico a cera 21% di restaurantnan p’ariba di
brug cu ta den un situacion malo

Monday, 10 July 2017 21:00
1

Comparti

Control riba restaurant p’ariba di brug a continua. Yvette Geerman di Departamento di Salubridad
Publico a splica cu nan a cuminsa cu e actie. A drenta den e parti di districto di Oranjestad.
A bay Santa Cruz. E ultimo cu a haci tabata San Nicolas y di San Nicolas ainda falta Noord. A controla
105 localidad den San Nicolas, di cual 60% tabata bon. 19% tabata den un situacion mas of menos y 21%
tabata malo. Awor aki ta on hold un rato, pero e ultimo zona di cubri ta e area di Noord. Esey lo bay
sosode prome cu fin di e aña aki.
E control a sosode conhuntamente cu diferente departamento a sosode y prome cu fin di aña aki lo tin un
bista completo rond di Aruba di establecimentonan cu ta bende cuminda.
Esaki ta tur e establecimentonan di HORECA cu ta bende cuminda. Esaki no ta e otronan cu ta
supermercado, cu tambe ta bende cuminda, pero ta bende cuminda, unda hende ta sinta come.
Localidadnan cu tabata malo
21% ta ? deel di e localidad cu no ta den un situacion bon, cu a haya cu e ta malo y a wordo cera entre
otro. Pa Departamento di Salud Publico logicamente cu no ta satisfecho, pasobra nan lo desea cu en
berdad cu tur localidad por ta cumpli cu e reglanan di higiena. Esey ta haciendo pa basta aña tras di otro.
Ta purba di pone enfasis di e importancia riba esey. Si haci comparacion cu algun aña atras a base di
porcentahe, tin adelanto. No cu nan ta satisfecho como departamento di salud publico. Tin mas trabao pa
sigui. Haciendo e accionnan aki cada biaha e ora sa e ora con pa sigui mehora y ta nota cu e parti di
educacion, informacion, coaching ta keda un rol hopi importante y como departamento di salud publico
lo sigui pone atencion riba e puntonan eynan.
Ki tipo di restaurant
Esaki ta varia. Awor aki despues cu ora cu caba di haci full e accion akinan, e ora eynan a bay pa haci
distincion di diferente restaurant. For di eynan por tin un bista cua lo ta resalta mas. Semper tin un tipo
di restaurant cu ta resalta mas hopi na Aruba cu tin e tipo di restaurantnan eynan. Loke ta papiando aki,
ta tur e tipo di restaurantnan cu a controla. Bo tin na Aruba tin asina un variedad di tipo di cuminda cu ta
wordo bendi. Esey ta un variacion completo. No por bisa specifico cua grupo e tabata. Akinan e ta
regarda tur establecimento unda cu ta bende cuminda.
Totalidad na San Nicolas
105 restaurant ta den su totalidad loke ta trata luganan cu ta bende cuminda. E ta restaurant, take away,
pero no supermercado.
Control
Geerman a sigui splica cu ta controla e restaurantnan cu ta nan orario. Ta controla den dia na e
restaurantnan cu ta habri den dia y tin esunnan cu ta habri atardi pa anochi, segun e orario di e
localidad, a ahusta e trabao y a controla e localidadnan na momento cu nan ta bezig ta haciendo nan
trabao.