Page 46 - Extra

46 Djaluna 21 Mart 2016

...Orassihgouni.n..an ta

KANSER DEN
PULMONNAN DI
JUSTIN PENSO

A DISPARSE

WILLEMSTAD.- E
famianan a konfirmá ku
despues di a manda e
tèstnan Merka, a konkluí
ku e kanser den pulmon
di Justin Penso a disparsé.
Hopi riba retnan soshal ta
atribuí esei na e kadena
di orashon ku tabatin pa
Justin for di algun siman
kaba. Pero Justin no ta
fuera di peliger ainda
pasobra ainda e tin kanser
den e parti abou di su
kurpa. E mes ta optimista
huntu ku su famianan ku
e lo sobrebibí e parti aki
tambe. E famianan mes i
tur esnan ku a resa ta hopi
kontentu ku e desaroyo
positivo aki.

E desaroyonan ku
tabatin últimamente a
pone ku Justin inkluso por
a bai skol algun dia, segun
e famianan a informá.
Justin ta aktualmente
den klas dos di HAVO na
Radulphuscollege. E kaso
tin Kòrsou den su gara pa
algun siman kaba.

Ta asina ku e hóben di
14 aña Justin Penso tin
8 aña luchando kontra
kanser. Na kuminsamentu
di aña Justin a haña
informashon ku e kanser
a plama pero e no ta
entregando. Míles di
hende a hasi orashon
sperando un milager tuma
lugá. Riba retnan soshal
tin un interkambio pisá di
informashon riba e hóben
i e petishon pa tur hende
tuma den nan orashon.
E kaso a konmové míles
di hende na Kòrsou.
Resientemente den un
Misa di Suffisant ku
algun shen hende, a resa
pa Justin den kompania di
pastor Morrison La Porte
ku a enfatisá ku den e
kasonan aki ta Dios tin e
último palabra. Meskos ku
e fielnan ku a bin pa misa
pa duna sosten, e pader
ta konvensí ku orashon
lo yuda. Na e okashon
ei a hiba palabra tambe
sra. Almerina Costa ku a
mustra ku no por pèrdè
speransa. Su ruman mes
ta un testimonio bibu
di esei ku despues ku ya
kaba a bisa ku e lo no
skapa mas, a bin bèk riba
pia te awe.

Tur kaminda ta resando
ketu bai pa rekuperashon

Sigui lesa pagina 50