Page 21 - AM260503

Diaranson, 3 Mei 2023 AWEMainta COMUNIDAD 21

Condecoracion Real pa Sra. Mathida Wijnaar

ualkier momento ta bon momento pa
Creconoce un persona pa su meritonan y
contribucion na comunidad, e honor aki a toca
Sra. Mathilda Wijnaar na su edad di 88 aña.

‘Hartelijk dank’, ‘gracias’, ‘grantangi’, ‘terima
kasih banjak’, ‘obrigado’, masha danki; cual-
kier idioma cu nos uza pa expresa gratitud

ta falta peso pa ilustra e sentimento cu ta
compañ’e.

P’esey na nomber di nos tanta, Sra. Mathilda

Wijnaar, nos kier bisa cu ta cu sentimento
profundo di amor, respet y aprecio nos ta
gradici pa e condecoracion aki.

E reconocimento publico aki di nos tanta, tanto
pa su dedicacion na educacion en general y
su interes den formacion di cada studiante na
Aruba sin distincion, como su interes y aten-

cion pa nan bienestar general, lo keda ancra
den memoria di esnan cu el a tochi nan bida.
Storia di su bida lo ta inspiracion pa cada ken
cu les’e.

Contrario na loke nos a pensa y spera pa
motibo di su retonan di salud, Tanta Mathilda
lo no tabata Tanta Mathilda si e no a haci su

maximo esfuerso pa personalmente ricibi su
condecoracion for di man di su Excelencia
Gobernador Alfonso Boekhoudt, nos ta duna
tur gloria y honor na Dios p’esaki.

Nos ta expresa nos sincero gratitud na prome
luga na Dios pa a duna nos tanta e talento
y capacidad pa eherce su debernan como

educador tanto den klas, como pafo di esaki.

Nos ta expresa nos sincero gratitud na Su
Excelencia Rey Willem Alexander pa acepta e

proposicion pa e Condecoracion Real aki.

Nos ta gradici e comision organisado pa a
entrega e proposicion keriendo den e trabou

cu nos tanta a haci durante su añanan trah-
ando y tambe despues di a retira.

Por ultimo, pero no menos importante nos ta

gradici tur persona cu na un manera of otro a
yuda haci e condecoracion aki posibel.