Page 14 - MIN ON DEC 4,2015

Djabièrnè 4 Desèmber 2015 49

...Tempu a
kuminsá pèrtá...

MINISTER DICK
AINDA NO A

FORTIFIKA KRITERIA
EKSAMEN HAVO/VWO

WILLEMSTAD.-
Parlamento di Kòrsou
ougùstùs último a reuní ku
minister Irene Dick riba e
fortifikashon di kriterionan
pa eksamen HAVO i VWO
pa garantisá ku Ulanda lo
rekonosé diploma di nos
studiantenan ora nan bai
studia. Faltando ménos
ku un luna pa yama 2015
ayó mester bisa segun
parlamentario, Omayra
Leeflang ku ainda minister
Irene Dick no a hasi e
ehersisionan nesesario pa
fortifiká e kriterionan. E
parlamentario di Un Kòrsou
Hustu ta bisa ku el a chek
ku direktivanan di skolnan
sekundario ku a indiká ku
nan no a tende nada ainda di
gobièrnu, c.q. di e titular di
enseñansa. E ehersisionan
ku mester hasi pa fortifiká e
kriterionan ta masha simpel
Omayra Leeflang ta bisa.
Mester hinka e fortifikashon
den un dekreto nashonal
ku ta bai Raad van Advies
i despues ta yega riba
eskritorio di Gobernador
Lucille George-Wout ku ta
pone su firma bou dje lei. No
tin nodi di bin parlamento
ku e lei, pero den kaso ku e
mandatario falta ku tempu
lo manda yam’é Omayra
Leeflang a indiká. Minister
Dick segun e parlamentario
tin te ku fin di desèmber pa
atendé e asuntu aki ku ta
peligrá asta finansiamentu
di estudio na Ulanda pa
e studiante di Kòrsou.
Sin e fortifikashon lo tin
konsekuenshanan tambe pa
sigui studia aki na Kòrsou
mes el a splika mas aleu. E
proseso di fortifikashon dje
kriterianan pa eksamennan
final di HAVO i VWO en
todo kaso no ta aparesé den
e akuerdo di gobernashon
ku partidonan a firma
resientemente e ta bisa.
Biniendo bèk riba e reunion
na ougùstùs e parlamentario
a puntra kon ta posibel ku e
minister a keda di bin bèk
den tres siman i nunka mas
parlamento no a tende di
dje.