Page 39 - MIN ON DEC 4,2015

PAGINA 76 DIARIO DIABIERNA 4 DECEMBER 2015

Parlamentario sra. Lorna C. Jansen-Varlack
Cu e re-apertura di Joe Laveist Sport Park
hobennan di pariba di brug lo wordo exponi
na hopi mas deporte den futuro

ORANJESTAD (AAN):
Siman pasa diabierna e re-
apertura di Joe Laveist Sport
Park a tuma lugar y lamen-
tablemente mi persona y otro
coleganan di fraccion di AVP
no por tabata presente na e
acto oficial pa motibonan
di reunionnan den exterior.
Un pabien na Aruba y na San
Nicolas en particular pa cu e
logro aki. Despues di tanto
aña di trabaonan di renoba-
cion y modernizacion awe
nos atletanan por disfruta di
un stadion moderno, unda
nan por practica diferente
tipo di deporte den nan tem-
po liber. E alumnonan di e
diferente scol den becindario
di Sport Park tambe lo sigui
haci uzo di e facilidadnan.

Algun dia prome cu e re-ap-
ertura di e Sport Park un del-
egacion di fraccion di AVP a
bishita Joe Laveist Sport Park
unda nos a haya un splicacion
amplio di sr. Hugo Mohamed
pa loke ta trata e inversion-
nan grandi, e trabaonan, e
facildadnan y e deportenan
cu lo wordo practica eynan
den futuro. Tin trabaonan cu
ta falta ainda y e museo di
deporte tambe mester wordo
realisa. E mantencion di e
Sport Park lo ta den man di
Fundacion Facilidadnan De-
portivo (FFD) y e ta keda na
e responsabilidad di tur e de-
portistanan y comunidad en
general pa cuida loke nos tin.
Durante e reunion cu sr. Hugo
Mohamed e pelotero talentoso
di ex -Pepsicola team di base-
ball AA sr. George Brown
a honra nos cu su presencia
y asina nos tur por a scucha
su opinion tocante e cambio-
nan cu a tuma lugar den tran-
scurso di tempo cu baseball y
Sport Park. Mester bisa aser-
ca cu sr. George Brown tambe
tabata un di e deportistanan
cu a wordo honra e anochi di
re-apertura, pero lamentable-
mente e no por tabata pre-
sente. Un palabra di pabien ta
bay tambe pa e 200 deportista
cu a wordo honra.

E asistencia di pueblo ta-
bata tremendo y e remarkenan
di elogio pa cu e trabaonan cu
Gobernacion di AVP ta haci
pa pueblo tabata hopi den nos
medionan di comunicacion.
Un pabien tambe na Gobi-
erno, minister Mike de Meza,
minister Alex Schwengle y
e fraccion di AVP den parla-
mento cu ta sostene proyecto-
nan pa e bienestar di nos de-
portistanan hoben di futuro!