Page 10 - MIN ON DEC 30,2015

Maroushka Cornelie di Simar Scol ta wak

hopi problema social den nos studiantenan

on: December 29, 2015In: LocalNo Comments
Print Email

E problema social cu tur dia e docentenan ta pasa den dje, ta grandi, pa cual esaki ta un tema di
preocupacion grandi segun Maroushka Cornelie, secretaria di Simar.
E problemanan social na Aruba ta asina enorme, cu no por pensa cu e cos aki no ta pasa aki. Tin
cu preveni y tin cu ta cla pa bay para keto na dje.
Si wak bon, e problema social cu tin na Aruba, arma of e tema di arma ya na scol, sea ta cuchiu
of arma blanco. E tema di siguridad pa proteccion di nos docentenan, ta uno cu a keda basta
tempo keto. Hasta un comision di siguridad a wordo forma, pero esaki a keda keto.
Prensa ta haya constantemente preocupacion di docente, cu cada dia e hoben ta birando mas
agresivo. Riba esaki Cornelie a splica cu esaki ta full verdad. E problemanan social, ta asina
grandi, cu nan ta bay asina profundo cu den pasado a yega di bisa e minister encarga cu
asuntonan social, lo mester traha cu e minister di enseñansa. Den hopi cos no ta cana manera
mester ta. Ta pesey a bin cu codigo di comportacion. Por bas’e riba algo cu por pasa. Tin cu bay
traha na e siguridad di e edificio, pasobra cu tin cosnan cu ainda ta tumando luga cu kisas no ta
scucha nan y esey ta di lamenta como sindicato. No ta scucha nan. Ora tende nan, ta keda boca
habri. Kico ta pasa, e maestronan eyfo, hopi no ta pensa cu tin un sindicato caminda cu e por
acudi y esey ta e problema grandi cu tin, vooral esnan mas hoben. Hopi di nan no ta pensa riba
cu esaki por pasa na dje tambe.
E por pasa cu bo tambe. Cosnan por pasa cu tur hende y tin cos ta pasando eyfo cu no ta haya
tende nan directamente na sindicato, pero ta haya nan tende via via. Tanten cu no drenta den
sindicato como un un keho oficial, e sindicato no por haci nada. Ta scucha tocante
discriminacion den enseñansa y e no ta yega cerca e sindicato. E ta yega como nan di, y como cu
ta nan di, tin cu busca pa haya sa. Si e persona concerni, no ta sinti cu sindicato mester para
cun’e, e sindicato no por haci nada.
Pasco a pasa caba, Sindicato Simar ta desea tur hende tur cos bon pa e ultimo dianan. Bay poco
poco, bay trankil, gosa di e dianan di fiesta y ban habri aña 2016 cu positivismo y tur cos bon pa
tur hende, Cornelie a bisa por ultimo.