Page 8 - MIN ON DEC 30,2015

Codigo di conducta lo ta un punto hopi

importante pa aña 2016 pa Simar

on: December 29, 2015In: LocalNo Comments
Print Email

E tema di mas importante cu sindicato Simar kier wak pa otro aña ta e codigo di conducta. E
codigo aki ta algo cu ta bay pone cu tanto e alumno, e studiante, e mayor, e trahado, e maestro y
tambe e directiva di scol, ta bay sa precies kico ta su rol, kico ta e caminda cu e tin cu cana den
caso di cualkier un problema cu tuma luga y e ta bay haci cu ta bay tin mas respet pa otro y mas
respet pa e trahado cu su trabao, segun Marourshka Cornelie, secretaria di Simar.
Hopi punto ta importante sin embargo.
Cornelie a sigui splica cu e caso di juffrouw Croes, cu a sacudi tur hende pa e aña aki. Sin
embargo, manera cu tur hende sa e caso a yega na su culminacion y e no ta etico pa bay bin cu
informacion di esey dilanti. A haya e informacion di e caso pero ya na e momento ey e no tabata
den man di Simar mas, pasobra sa cu e docente a scoge otro caminda cu no tabata cu e sindicato.
E docente a bira miembro di e sindicato na momento cu el a haya e problema. Esaki ta un
ehempel pa e docentenan hoben pa afilia na un sindicato.
Cornelie a splica cu pa hopi aña a boga pa mas siguridad di enseñansa, tanto pa e alumno como
pa e trahado y a bin logra tambe cu por fin a haya oído pa sinta, pa trata e codigo di conducta.