Page 65 - KPA - JUNI 4,2015

Boroto di Mepistanan dilanti OM a haya rechazo den
pueblo!

Publication: Thursday, 4 June 2015. Categoria: General

ORANJESTAD (AAN) – Informacion a drenta na nos mesa di redaccion, relaciona cu e grupo di
Mepistanan cu a bay entrega un carta na Ministerio Publico, y cu manera custumber a haci
boroto.

Ciudadanonan cu a pasa eybanda a yama nos redaccion pa comenta cu hasta mal palabra tabata
skeiro mahos, y tambe nan a critica fuertemente e hecho cu e macamba cabes bruha y gañado cu
ta cana tras di saya di MEP, ta papia via radio na Hulandes den nomber segun’e di nos pueblo,
pues ki falta di respet cu ni na Papiamento e ta papia.

Na e radio cu tabata tey, nan a bisa cu “cos ta cayente” kiermen ta parce cu MEP semper ta
instiga hende pa “cos bira cayente”, y esey ta nifica busca problema cu hasta polis mester ta
presente siendo cu nos polisnan ta man yen di trabao, pa perde tempo den e borotonan di MEP.

Diferente yamada a drenta na nos redaccion di un pueblo basta rabia cu e grupito cu ta gusta
trece division den pueblo, y cu no tin un otro lenguahe cu menaza, falta di respet, palabra mahos.
Un lector a menciona cu si MEP tanto ta gusta “cos cayente” bay kima nan tur bon por bay kima
den fierno.

E pueblo ta cansa di e tipo di actonan aki y e manifestacion aki tambe a haya rechazo den nos
comunidad conciente y cu berdad kier tur cos bon pa Aruba, y cu kier paz y su trankilidad pa tur
nos hendenan.

http://www.diario.aw/2015/06/boroto-di-mepistanan-dilanti-om-a-haya-rechazo-den-pueblo/