Page 66 - KPA - JUNI 4,2015

Polis a detene chofer bao influencia cu a Hit & Run un
peaton

Publication: Thursday, 4 June 2015. Categoria: Policial

ORANJESTAD (AAN): Diaranzon atardi un accidente a tuma lugar den Caya Pastor
Hendrickstraat na momento cu un auto a dal un peaton. Segun informacion cu un Honda Shinishi
A-13670 a dal un persona y despues bandona e sitio.
Algun persona cu a presencia e accidente, a logra tuma e number di e auto prome cu el a bandona
sitio. Ambulance a presenta cu urgencia na e sitio mirando cu e persona tabata sclama di basta
dolor.
Mientras cu Polis tabata ocupa cu e caso di Hit & Run, informacion a drenta cu den Caya
Bonaire situa den village un pelea forma tabata tumando lugar y cu machete envolvi. Ta parce cu
algun conoci di e victima cu a wordo alcanza pa e auto, lo a bay na e cas pa regla cuenta cu e
chofer iresponsabel y sin consenshi.
Polis cu a presenta na Caya Bonaire a logra pa domina e pelea, y a bay over na detene e
chauffeur cu porcierto tabata bao di influencia di un substancia of otro. Ambulance a brinda
asistencia medico y a transporta e victima pa Hospitaal pa tratamento medico avansa. E auto di e
chofer a keda confisca y transporta pa Warda di Polis.

http://www.diario.aw/2015/06/polis-a-detene-chofer-bao-influencia-cu-a-hit-run-un-peaton/