Page 10 - bon-dia-aruba-20210913

A10 HEndE
Dialuna 13 September 2021

Aruba One Happy Island Lions Club a bishita Cas di Machi

Diasabra 28 augustus, teniendo na cuenta e reglanan
di Covid, un grupo chikito di miembronan di Aruba
One Happy Island Lions Club tabata tin e honor di
bishita cas di cuido pa nos grandinan - Cas di Machi-
na Oranjestad.

Un atardi unda nos a haya chance un rato pa combersa cu
algun di e 57 habitantenen di e cas aki. Sigur un atardi cu a
toca nos curason. Pa e ocasion aki nos a hiba un treat pa tur
habitante y trahadornan, snacks traha door di nos miembronan
mes acompaña cu un bebida. Tambe tur presente a haya un
regalito chikito for di nos club.

Nos kier gradici gerencia di Cas di Machi cu a duna nos e
chance di haci un bishita cortico y conoce su facilidadnan y
tambe tur habitante.

Pa esnan cu kier contribui financieramente na proyectonan di
Aruba One Happy Island Lions Club, por haci esaki riba nos
cuenta na Aruba Bank # 6005880190.

www.facebook.com/arubaonehappyislandlionsclub