Page 30 - MIN SOC 2 dec,2015

2 AWEMainta Diaranson, 02 December 2015

Debi cu gerencia di WEB Aruba N.V.

No a cumpli cu protocol 2012, tabatin
un accion di protesta ayera mainta

Depende di reaccion di gerencia, lo determina su lo tin un walk-out completo

AYERA MAINTA, un dado momento SIWA, e sindicato cu

tin representacion di trahadornan di WEB Aruba N.V. a dicidi di
organisa un reunion informativo na pia di trabao.
Esaki a bira necesario, despues cu a constata cu gerencia di WEB
Aruba N.V. no ta atene su mes na protocol 2012, unda tin algun
punto acorda for di algun tempo caba, pero cu awor parce cu
gerencia di WEB Aruba N.V. ta haci manera nan no sa di esaki.

Erick Henriques, Presidente di SIWA a duna e miembronan un
splicacion di e situacion y a bisa cu maske cu te awor no tin un
conflicto laboral, pero pa duna gerencia e beneficio di duda, lo
bisa cu nan lo a overlook e protocol di 2012, unda tin varios punto
acorda, cu gerencia di WEB Aruba N.V. ta haci manera nan lubida.

Di acuerdo cu Presidente di SIWA, e corto accion di ayera mainta,
gerencia di WEB Aruba N.V. mester mira como un mensahe, pa
cual a duna gerencia te cu fin di siman benidero pa determina su
nan lo sa di respeta y ehecuta protocol 2012 su puntonan.
Si esaki no t’e caso, por spera cu siman nobo lo habri cu un walk-out
total na WEB Aruba N.V., loke sigur gerencia no ta desea.

Segun Erick Henriques, nos a drenta un luna crucial, y sigur gerencia
no kier ningun conflicto aworaki. Pesey SIWA ta masha confia cu
gerencia lo sa di reconoce, cu nan a faya di ehecuta Protocol 2012.
Esaki no tin nada di negociacion di un CAO nobo, cu te awor ta
bay den bon direccion. Pesey mes e falta di ehecusion di protocol
2012, no por bira un problema laboral, contal ehecuta loke cu a
keda acorda.