Page 34 - MIN SOC 2 dec,2015
P. 34
28 AWEMainta Diaranson, 2 December 2015
Inscripcion pa fakkel di North Fantasy Carnival Group
DIABIERNA 4 di december na Club Don Bosco Noord cu benta di snacks box
North Fantasy Carnival Group ta invita full pueblo di Noord y Aruba en
general p’e tremendo ambiente cu inscripcion pa fakkel diabierna awor
na Club Don Bosco Noord cuminsando for di 7or di anochi. Lo bay tin
benta di snacks box y esun cu a reserva lo haya sigur pasobra mucho
mas no a resta. Tambe bo por cuminsa na reserva bo lugar pa Masa
p’e 3 paradanan grandi y tambe pa Lighting Parade San Nicolas.
Corda cu pa fakkel bo ta paga y lo cubri un Open Bar, bo t-shirt bo
petchi y e prome 300 persona nan lo haya un selfie stick tambe ya
cu e tema di North Fantasy pa fakkel ta Social Media Madness.
Musica pa tur parada di North Fantasy Carnival Group ta den
man di e muchanan cu ta pone ambiente cu ta D’Licious. E
anochi aki na Club Don Bosco tambe bo por bin sera conoci
cu e Reinanan di North Fantasy cu ta srta. Deanna Pinilla
kende ta Reina grandi di e grupo y srta. Alviana Arends
cu ta Youth Queen di North Fantasy.
E anochi aki lo bay tin e famoso snacks box
conoci como e mihor na Aruba caminda bo
ta haya 13 snacks mas un refresco.
DJ Ricco tambe lo tey pa pone am-
biente di Sinterklaas, Pasco y
Carnaval paso aworaki ta tur ta
bruha den otro.
Y mas cu claro Sinterklaas
tambe lo pasa di bishita den
lat ora e caba cu su schedule.
Asina ta bin inscribi pa fakkel cu
North Fantasy caminda calidad ta
manda y bin sera conoci cu e team na
Club Don Bosco.
Pueblo di Noord y Aruba nos ta wardabo.
