Page 36 - MIN SOC 2 dec,2015

34 AWEMainta Diaranson, 2 December 2015

Korps Mariniers a adopta rotonde di
Pos Chikito pa celebra hunto cu pueblo
fin di aña y nan 350 aniversario

DEN cuadro di celebracion di 350 aniversario di

existencia di Korps Mariniers, e base na Savaneta,
tabata hopi entusiasma pa wordo escogi pa per-
cura pa decoracion di e rotonde di mas serca di
nan base, p’asina aki aporta na un bunita ambiente
pa fin di aña na Aruba.
Diabierna ultimo e inauguracion a tuma lugar
mey-mey di un celebracion bunita den cual hopi
bisiña di Pos Chikito tabata presente.

Por mira cu e tema di e rotonde aki ta basa riba e
Korps Mariniers y su aniversario. Asina mes, tin
varios elemento tipico di e temporada di Pasco y
Aña nobo y hopi luz.
Pastoor Paul Vlaart den nomber di Korps Marin-
iers a inaugura e decracionnan sendiendo e luznan
y a probecha pa expresa su mihor deseonan na
henter pueblo di Aruba p’e dianan di fiesta.

“E rotonde ta un simbolo di e bon relacion cu
ta existi entre Korps Mariniers na Savaneta y e
pueblo di Aruba y tambe pa demostra cu nos t’ey
no solamente pa proteha e isla, pero tambe pa
comparti celebracionnan tipico,” asina Vlaart a
duna di conoce.
E anochi di su sendemento tabata anima pa mu-
sica di Grupo di Betico y riba e kerstboom instala
riba e rotonde, muchanan por a piki regalitonan
chikito di parti di e Korps Mariniers.

BoBario ta busca pa fomenta e sinti comunitario
den nos sociedad. Pa medio di e proyecto di Dec-
oracion di Rotondenan pa fin di aña ta combina
un compania priva cu organisacion of gruponan
social pa pone recurso y obra di man hunto pa
goso di e comunidad den su totalidad.
E prome rotonde a sende den luna di oktober caba
y e ultimonan ta programa p’e siman aki.