Page 69 - MIN ECEM

E aña aki Green Aruba lo ta anfitrion di e conferencia conhuntamente cu ‘Caribbean

Electricity Utility Services Corporation’ (CARILEC), cu ta e asociacion principal di

companianan di servicio publico di energia y industria den Caribe.

Desde aña 2010 e conferencia di Green Aruba a fungi como un plataforma excepcional

pa ofrece intercambio di informacion valioso riba aspectonan manera con pa logra

alcansa

sostenibilidad total mediante uzo di innovacion, experticio y e asina yama “best

practices” riba tereno di energia.

Banda di e dos dianan di conferencia yena cu informacion, debate constructivo y

intercambio di experticio, Green Aruba lo tin mas actividad pa publico y tur persona

interesa manera, un

‘Aruba Energy Tour’ y tambe un tayer bou di e topico di “Knowledge In Motion”.

Den transcurso di e ultimo 7 añanan, e plataforma di Green Aruba a sa di trece oradornan

internacional renombra cu tambe a aporta grandemente cu informacion valioso,

conocemento y experiencianan exitoso rond mundo. E aña aki, banda di papia tocante

sostenibilidad, Green Aruba Conference lo concentra mas riba e aspectonan fundamental

y necesario pa haci cosnan den un manera mas sostenibel.

E colaboracion entre Green Aruba y CARILEC ta crea mas oportunidad pa tur

participante como tambe miembronan di CARILEC establece un compromiso serio pa

hunto promove e

topico di sostenibilidad dor di aporta informacion valioso tocante e evolucion den e

sector di energia y con esaki ta afecta nos tur.