Page 13 - MIN ON 8 APRIL 2016

Tin mas cu 5 % di docente cu ta pensionado y cu ainda ta duna les dilanti klas
Publication: Thursday, 7 April 2016. Categoria: General

Estadistica algun aña atras a saca afo:

ORANJESTAD (AAN): Partido democracia real (PDR ) na hopi
ocacion a trece padilanti cu nan ta traha cu pensamento pa haya mas posibilidadnan cu ta pilarnan economico pa Aruba. Sr.
Edie Ras cu ta specializa su mes den e mundo di enseñansa ta kere cu na momento cu ta enfoca riba crea posibilidadnan den
nos economia manera turismo cu ta importante.

Segun sr. Ras PDR a traha riba e situacion di valero e ultimo temponan aki y por bisa cu actualmente e ta den negociacion y
PDR lo sigui di cerca pa asina wak con e desaroyo aki ta sigui progresa. dje den e ultimo añanan.
Un otro pilar economico cu partido PDR a trece padilanti ta e fast ferry y e economia di internet. Na momento cu e
posibilidadnan aki automaticamente e parti financiero di bo pais ta haya forsa cu por sostene proyectonan directo pa
comunidad manera edificio pa scol nan cu mester den bario y tambe drecha esnan cu ainda no a keda cla, unda cu muchanan
pa varios anja ta haya lesnan den trailer of diferente localidad nan cu gobierno ta huur cu ta pone e klasnan den dje
temporalmente pa por drecha e scol mes.
Segun Sr Edie Ras construccion di un desaroyo di un pais ta necesario, pero loke cu nos mester ta consciente di dje ta cu e
finanzas publico mester ta stabil, unabes cu e ta stabil Aruba tin e facilidad pa cuminsa traha e scol nan cu mester of cu por
pone e placa pa disponibel pa mantencion di edificionan di gobierno. Loke cu tambe ta hunga un rol ta cu no ta solamente e
edificio di e scol ta necesario, pero tambe mester tin docente pa duna les na e muchanan.
Sr Edie Ras riba lista di PDR a duna di conoce cu su mes un persona a traha un estadistica algun anja atras unda cu por a saca
afo cu mas cu 5 % di docentenan cu ta pensionado y cu ainda ta duna les dilanti klas. Pronto lo a haci un otro investigacion y ta
sigur cu e cifranan aki lo subi y esaki ta un situacion preocupante den e mundo di enseñansa. Actualmente Aruba tin IPA cu ta
produci docentenan cu ta prepara docentenan pa avond vakken y cierto di nan ta pa di dos grado.

Segun Sr. Edie Ras Aruba tin mester di un pronostico laboral, unda cu ta avisa y guia e alumnonan y mayornan unda tin mester
hende aki algun anja na momento cu caba di studia. Asina tambe e studiante tin un vision di kico e por studia cu e ta sigur cu na
momento cu termina su estudio e lo por haya un trabao. Ta necesario pa cada hoben cu ta terminando nan estudio ta haya e
posibilidad di scoge un estudio cu nan ta deseya, pero cu ta consciente cu si tin mercado habri pa asina por haya trabao na
Aruba bek.

http://www.diario.aw/2016/04/tin-mas-cu-5-di-docente-cu-ta-pensionado-y-cu-ainda-ta-duna-les-
dilanti-klas/