Page 8 - AHATA

Diamars, 4 April 2023 AWEMainta
Caso contra SEHOS ta den corte for di 2009
WILLEMSTAD - Un demanda civil contra SEHOS cu ta den
corte for di 2009 a continua brevemente e aña’ki pero hues
a fiha fecha nobo pa continua e caso pasobra ta masha awa
a pasa bou di brug for di dia cu e caso a origina.
Esencia dje caso ta un operacion di rudia cu foi 13 aña pasa
ta den corte.
Mester a tende cantidad di experto y tabatin veredicto inter-
medio casi tur aña riba e caso caminda mester a busca mas
informacion riba e caso. E pashent kende a ser opera den
SEHOS tabatin masha complicacion pero esey no a yuda
pasobra na final mester a opera su pia.
Expertonan a constata cu e ciruhano cu a opera e pashent
a haci e operacion segun reglanan di cirugia aunke e repor-
tahe riba e operacion por tabata mas amplio.
Hues a condena Sophia y
Ortela pa cultivo y posesion di marihuana
WILLEMSTAD - E duo Ortela (35 aña) y Sophia (25 aña)
tabata den sala di corte diabierna ultimo pa scucha nan
sentencia, despues di a trata nan casonan dianan 28 di
december 2022 y 10 di maart 2023. E duo ta acusa di plant-
acion di marihuana na un cas den e bario Groot Santa Martha
y aki ta trata di 427 planchi di marihuana, constata dia 13 di
september 2022. Riba e mesun fecha 13 di september 2022
a constata tambe cu nan tabatin den nan poder un cantidad
di marihuana procesa cu ta representa 119 planchi.
Mas aleu a bin sali na cla cu e acusadonan tabatin den nan
poder tambe algun artefacto horta, esta sker hidraulico,
sistema di sproei hidraulico, un slang colo blauw di presion
halto y un otro slang oraño tambe di presion halto.
Ta trata aki di pertenencianan di Brandweer di Corsou.
Segun Ministerio Publico ta trata aki di articulonan horta cu
e acusadonan ta supone di tabata na altura cu esakinan ta
procedente di actonan di ladronicia (contra ley).
Agentenan di Brandweer a reconoce e hermentnan aki como
propiedadnan di Brandweer, pasobra no ta piesanan cu ta
obtenibel riba mercado local. Pero na cas di Ortela a bin
resulta cu e artefactonan tabata lora den un saco di plastic
y sconde den un espacio di warda cos. Segun e acusado
Ortela ta un tal Carlos miho conoci como Chamo ta esun cu
a trece e cosnan aki pa warda, ya cu e sa bini Bandabou cu
frecuencia, pa trabou y asina ey e sa pasa pa haci uzo di e
hermentnan aki, entre cua un generator tambe. Remarcabel
ta e hecho cu Carlos, alias ‘Chamo’ ningun momento so no
CORSOU 21
Corte a nombra un ciruhano di Orthopedisch Expertise
Centrum Amsterdam como experto kende a haci e investig-
acion for di distancia.
E experto a cuminsa cu su informe despues cu a pone
prothese (rudia falso) ne pashent na aña 2007 te dia di april
2011 cu mester a amputa e pia.
E experto di Amsterdam a constata cu e ciruhano a opera e
pashent manera ta spera di un ciruhano competente pero ta
momento cu infeccion a dal aden no a actua manera debe
ser.
Y aki e cabuya ta sinta, tabata falta dje ciruhano of falta di
hospital Sehos.
Riba esey nos ta bin bek den edicion di mañan.
a aparece den sala di corte como acusado.
E acusadonan tabata den sala corte primeramente como
nan defensa señor mr. Humphrey van Blarcum, pero despues
señora mr. Olga Lodowica a tuma e defensa over. E fiscal
tabata señora mr. S.R.C Polderman.
Pa ambos ciudadano e fiscal a demanda un castigo di prizon
di 18 luna di cua 6 luna condicional, mara na un periodo di
prueba di 2 aña. Na e cas caminda cosnan robes tabata tuma
luga, Ortela tabata biba, siendo na momento cu polisnan a
presenta na e cas pa haci investigacion a reis riba Sophia, cu
tambe tabata na e sitio, pero no ta biba ey.
Sinembargo ta sospecha Sophia di tabata duna e planchinan
di marihuana awa, pero durante tratamento di e caso Sophia
a para ariba cu e no tin absolutamente nada di haber y cu e
tabata ey djis pa haci bishita cerca Ortela.
Hues mr. Sigmar Carmelia ta esun cu a trata e caso y constata
cu Sophia ta castigabel solamente pa acusacion nr. 2 cu ta
posicion di 119 planchi di marihuana.
E acusado Ortela ta condenabel tanto pa acusacion nr.1
como nr.2.
Acusacion nr. 1 ta referi na e cultivo di 427 planchinan di
marihuana, cultiva den su plantashi, siendo nr. 2 ta pose-
sion di 119 planchi di marihuana. E castigo pa Sophia a
bira 270 dia castigo di prizon di cua 164 dia condicional,
kitando e dianan cu el a pasa caba den aresto preventivo
cu un periodo di prueba di 2 aña. Pa Ortela e castigo a bira
mas halto, esta 12 luna castigo di prizon di cua 3 luna condi-
cional y un periodo di prueba di 2 aña.