Page 7 - AWE0908

Diamars 9 di August 2022

Evento: LOCAL

Seminario y debate

Siguridad y Derecho

di Pashent 2022

undacion SIKI ta invita henter pueblo di
FAruba pa forma parti di e prome seminario
y debate riba e tema di siguridad y derecho di
pashent.

Esaki lo tuma lugar riba diasabra 17 di
september 2022 for di 3 PM te 6 PM na Cas di
Cultura y lo ta completamente gratis.

Con safe remedi ta realmente? E pregunta aki a
pone cu e Organisacion Mundial di Salud (World
Health Organisation) a haci un yamada pa tur
pais rond mundo conmemora 17 di september
pa papia y traha riba siguridad di pashent. E
tema e aña aki ta siguridad di medicamento
(“medication safety”) pa motibo cu ounke
hopi ta wordo haci, ainda nos por haci mas pa
mehora e siguridad y calidad di e cuido brinda
na pashent.

Pa e motibo aki ta importante pa pueblo bin
scucha kico tur e profesionalnan y instancianan
di cuido ta haci pa siguridad di pashent y
na unda mester sigui inverti. mr.dr. Jayburtt
Dijkhoff lo duna un charla riba siguridad y
derecho di pashent. Farmacista Dasha Dubero
lo elabora riba e siguridad di medicamento.
Sra. Maureen Kelly lo papia tocante e bos di
un hunta di pashent. Despues lo bai tin un
debate sumamente interesante riba e tema
di e siguridad di medicamento y derecho di
pashent.
Organisacionnan cu tambe lo participa
durante e charla y debate ta: Vereniging
van Apothekers op Aruba (VAA), Inspectie
Volksgezondheid Aruba (IVA), dr. Horacio E.
Oduber Hospital (HOH), Huisartsenvereniging
Aruba (HAVA), Instituto Medico San Nicolas
(ImSan), Cliëntenraad Respaldo y Algemene
Ziektekosten Verzekering (AZV).
Pa participa, simplemente registra na www.
sikiaruba.org Pa participantenan cu no
tin acceso na internet por pasa registra
personalmente na Club Kibrahacha 60+.

7