Page 8 - AWE0908
P. 8
Diamars 9 di August 2022
SUCESO
Boksmento na rotonde pariba di santana di
Paradera, Chauffeur a resulta di NO tabata burachi
iadomingo den oranan di anochi presencia di polis
Da wordo pidi pa un boksmento na altura di e rotonde
pariba di santana di Paradera. Segun prome informe cu
un di e chauffeurnan lo tabata bou influencia.
Na yegada nan a bin compronde cu e chauffeur di un
Toyota Tercel berde no a regula su velocidad na tempo, a
subi e rotonde y a bay dal patras di un Toyota Rav. Segun
testigonan na e sitio a bisa cu e chauffeur di e Tercel lo
tabata un otro persona cu despues di e impacto mesora a
sali core bay y e ocupante core tuma e rol di chauffeur
over.
E ocupante a bisa polis cu e ta e chauffeur. Polis a laga
e chauffeurnan di ambos auto supla, pero niun di dos
tabata bou influencia.
Boksmento frontal na Macuarima, chauffeur bou influencia a wordo deteni
iadomingo algo despues di 8’or y mey di anochi, presencia di
Dpolis a wordo pidi pa un accident cu a sosode un poco mas pariba
di Warda di Polis di Santa Cruz, na rotonde di Macuarima. Na yegada
polis a bin compronde cu e Eco Sport tabata biniendo di pariba a subi
e rotonde y a bay dal frontal contra un Kia Rio shinishi. No tabata tin
niun persona herida, pero si mesora polis a ripara cu e chauffeur di e
Eco Sport ta bou influencia. Despues di a pone supla, polis a detene e
chauffeur di e Eco Sport y a transport’e pa warda di polis.
8
