Page 30 - Min.Vos 6 Feb"15

di cas. En bista di palabracionnan haci durante reunionnan di IPKO pa cooperacion entre e islanan St.
Maarten, Corsou, Aruba y Hulanda ta importante pa por inclui e islanan tambe cu ta desea di traha
hunto. Na juni lo tuma lugar un congreso di salud aki na Aruba cu e meta pa logra mas cooperacion den
Reino entre otro pa loke ta trata referencia di patientnan den exterior, compra di medicina y intercambio
pa loke ta trata diferente specialismo di e islanan. Por traha hunto ariba diferente tereno, manera
urologia, prthopedia, oogheelkunde etc. Un di e terenonan cu kier amplia cooperacion ta alavez esun di
oncologia. Por cierto ayera tabata dia internacional di cancer y cu ta hopi importante pa combati e malesa
devastador aki cu ta causa miyones di persona na mundo cu ta muri anualmente. Banda di orientacion
ariba combati cancer tabatin diferente desaroyonan positivo pa loke ta trata salubridad. Un par di luna
pasa a aproba e leynan di BIG y esuna di Calidad di Cuido den Parlamento. Pa loke ta trata e ley di
Calidad di cuido ta den espera di un plan di implementacion. Lo duna e Inspeccion d Salubridad un rol
mas prominente y patientnan por duna keho y ser garantisa di ricibi contesta ariba e keho den par di
siman. Wyatt-Ras a tuma nota di un articulo den prensa unda un patient ta trese padilanti cu a dura 4
anja promer cu diferente diagnostico durante anjanan y medicinanan cu no a yuda y a hasta empeora e
malesa. Dor di institui un Inspeccion di Salubridad un patient den futuro lo por haci su keho y lo por ser
garantisa cu ta tene cuenta cu su keho y cu e ta haya contesta y den caso e no ta di acuerdo tin caminda
pa cana. Mervin Wyatt-Ras ta satisfecho cu minister di Salud ta dispuesto di organisa e congreso y traha
pa logra cooperacion entre e diferente islanan den Reino.

http://www.24ora.com/politica-mainmenu-18/91512-mervin-wyatt-ariba-dia-mundial-di-cancer-
comision-encarga-cu-salud-a-reuni-cu-un-delegacion-di-st-eustatius

Andin Bikker: Mas hende local ta bira dokter pero
no tin luga pa nan

· Feb 5th, 2015
· Politica

Tin mas dokter cu a yega Aruba pa bin traha despues di e caba di studia, pero no tin lugar aki na Aruba.
Esaki sigur ta di lamenta cu mas hende local ta bira dokter y no tin lugar pa nan segun lider di fraccion di
Democracia Real, Andin Bikker.
E ta sigui splica por a tuma nota di noticianan cu un yiu di tera, gradua como longarts, a solicita pa bin
traha na su pais natal, Aruba y a bin compronde cu el a wordo nenga y awor ta hay’e forsa pa bay solicita
of a solicita caba na Corsou.
PDR ta kere cu na final di dia, a constata cu mester por tin un tekort na Longarts, pasobra e minister
encarga cu salubridad tabata un longarts na Hospital. El a scoge pa bira minister, algo cu ta di admira,
pero na mes momento un vacatura a bin disponibel. PDR kier sa dicon cu e persona aki, yiu di tera, no ta
haya un oportunidad pa eherce su profesion.
A constata tambe cu na un mall banda di aeropuerto, a muda ambulance. Pa decadanan constantemente
tur presupuesto, gritamento den parlamento, ken ta huur ken no ta huur, etc. Ora cu a halveer BBO, a
papia cu entradanan cu no ta bay haya, lo bay compensa nan door di cancela diferente edificio cu ta
wordo gehuur innecesariamente di gobierno y hasta ta manda bisa Hulanda cu den e 24 medidanan lo
baha huurnan innecesario. Den e cuadro ey, PDR kier sa cu con bin diripiente a saca un post di