Page 26 - Min.Vos 6 Feb"15

Finalmente tabata Colegio Arubano Oranjestad y Filomena College, e dos ultimo school di Enseñansa
Avansa cu a keda pa hunga e final nacional di volleyball mucha homber. Nan tambe mester a hunga dos
wega. Den e prome wega ambos a parti punto, ganando un set cada un. E prome set e hobennan di
Colegio Arubano Oranjestad ta gana cu score di 18 pa 7, mientras cu Filomena College ta gana e di dos set
cu score di 12 pa 9. E wega aki caba a duna indicacion con fuerte ambos ekipo ta y cu e hobennan ta
decidido pa bringa cada punto necesario pa logra e titulo di campeon. E wega decisivo tabata yen di
emocion, tension y accion. Un final bon bataya te na ultimo punto door di cada school, pero a toca
Colegio Arubano Oranjestad pa disfruta y celebra e titulo di campeon. Cu setnan di 25-22 y 25-21, e
hobennan di Colegio Arubano Oranjestad bira campeon escolar di volleyball mucha homber. Y Filomena
College ta keda na di dos lugar y nan ta ricibi nan respectivo medaya.
E hobennan di Colegio Arubano Oranjestad ta ricibi nan medaya di campeon y e ‘Copa Rotativo’ di
campeon 2015.
IBiSA ta felicita tur school cu a participa, en especial e school cu ta logra premiacion den e deporte di
volleyball. Alabes ta motiva e hobennan pa sigui practica volleyball na school pa engrandece y amplia nan
experticio y condicion den e deporte.
Pa reportahe di potret di e weganan, nos ta invitabo ‘like IBiSA su Facebook Page’ of subi riba nos
website: www.ibisaruba.org .

http://www.24ora.com/deporte-mainmenu-7/91482-final-nacional-di-volleball-mucha-homber-colegio-
arubano-oranjestad-ta-titula-campeon-

Personal di Hospital ta miho prepara pa calamidad

Thursday, 05 February 2015 18:28
Comparti

E team di Dr. Horacio E. Oduber Hospitaal encarga cu organisacion di entrenamento y preparacion pa
calamidadnan a celebra ceramento di un otro aña exitoso di diferente training y cursonan hopi
importante pa siguridad di e pashentnan y trahadonan di e institucion di cuido.