Page 10 - AM211018
P. 10
10 AWEMainta .com Dialuna, 18 October 2021
Manehador di UTV seriamente herida
den accidente riba caminda di Keito
Diasabra anochi pa mas o menos
10:45, varios informacion a
cuminsa drenta tanto na 911
como na Central di Polis, di un
accidente serio riba e caminda
di Keito poco mas panort di
Buccaneer Restaurant.
E prome informacion tabata cu
e persona ta pega den e vehiculo
y no ta reacciona. Algun rato
despues a bira conoci cu ta trata
di un UTV.
A yegada 3 ambulance n’e sitio,
y por a mira nan rond di e UTV,
cu a ser bisa cu e lo a dal contra
un muraya, pero esey no tabata e
caso.
Ta mustra cu e lo a baha caminda
y drenta mondi y resulta
seriamente herida, por a mira con
liher e Paramediconan a move cu
ne.
Polis di Trafico tambe a presenta
p’asina haci su investigacion,
mientras ambulance tabata
saliendo cu urgencia direccion
Spoed Eisende Hulp na Hospital.
A pidi Slachtofferhulp pa por a
bay direccion Hospital, mirando
cu no tin ningun dato di e ken e
persona por ta.
