Page 13 - AM211018

Dialuna, 18 October 2021 AWEMainta.com 13

Chauffeur bou influencia a keda deteni, pa core

auto bou influencia y ocasiona accidente

Diabierna algo prome cu 8’or di
anochi despues di un asistencia na
Washington, un patruya di Noord ta
topa cu un accidente riba e caminda di
Bubali. Mesora nan a bay atende cu e
accidente.
N’e sitio nan a bin compronde cu un
chauffeur hoben manehando un Kia Rio
a ocasiona e accidente den cual un SUV
a ricibi basta daño material.

E Kia Rio a perde control y a bay dal
contra un pal’i lus. E transformator n’e
pal’i lus a cay.
Polis n’e sitio a nota cu e chauffeur di
e Kia Rio tabata bou influencia y tambe
e tabatin un corta of rasca na su brasa.
E chauffeur tabata desea atencion
medico. E agentenan policial a pidi pa
presencia di ambulance, pero mirando
cu un di e autonan su papelnan no
tabata na ordo a pidi pa Polis di Trafico
tambe.

Elmar tambe a wordo pidi pa bay n’e
sitio, pa motibo cu den e impacto fuerte
e transformator a cay for di halto.
Na yegada e personal di ambulance a
trata e chauffeur n’e sitio y despues el a
keda deteni pa core auto bou influencia
y causando un accidente.